قازاقستان پرەزيدەنتى جايلى ەموتسيامەن ايتقانىم تەرىس بولدى-اۋ - اتامبايەۆ
قىرعىز ەلىنىڭ باسشىسى ءونىمىن باسقا ەلدەر ارقىلى دا، مىسالى قىتاي، وزبەكستان، تاجىكستان ارقىلى ساتا الاتىنىن اتاپ ءوتتى. سونىمەن بىرگە، ول تاتۋ كورشىلىك قاتىناستاردىڭ دا ماڭىزىنا توقتالدى.
«قازاقستان پرەزيدەنتى جايلى ەموتسيامەن ايتقانىم تەرىس بولدى-اۋ. وسى كۇندى بۇل ماسەلە جايلى ويلاندىم. قازاقستان پرەزيدەنت اينالاسىنداعىلارعا سەنەدى، ال اينالاسىنداعىلار - وليگارحتار. ول دا مەن سياقتى سەنگىش ادام شىعار»، - دەپ مالىمدەدى اتامبايەۆ.
ونىڭ ايتۋىنشا، «قازاقستانداعى وليگارحتار نازاربايەۆتان كەيىن نە بولاتىنىن جانە ءوز اقشاسىن قالاي ساقتاپ قالۋدى عانا» ويلايدى.
«مەن ءاردايىم كورشىلەرمەن اعايىندى رەتىندە قارىم-قاتىناس بولعانىن قالايمىن. بارلىق كورشىمىزبەن تاتۋ ءومىر ءسۇرۋىمىز كەرەك. كەيدە ءبىز توزىمدىلىك تانىتۋىمىز كەرەك شىعار، ءبىراق تاۋەلسىزدىگىمىزدى ءاردايىم قورعاۋىمىز كەرەك»، - دەدى ول.
ەسكە سالايىق، قازان ايىنىڭ باسىندا، قىرعىزستانداعى سايلاۋ قارساڭىندا ءبىرقاتار قىرعىز ب ا ق- تارىندا قىرعىزستان پرەزيدەنتى المازبەك اتامبايەۆتىڭ مەملەكەتتىك سىيلىقتاردى تاپسىرۋ راسىمىندە قىرعىزستانعا «قازاقستاندىق بيلىك تاڭىپ وتىرعان» جەتەكشىلەر جايلى پىكىر بىلدىرگەنى جازىلعان ەدى. ال كەيىن ق ر س ءى م قىرعىزستان پرەزيدەنتى المازبەك اتامبايەۆتىڭ ايتقان سوزىنە بايلانىستى مالىمدەمە جاساعان ەدى.
