10:33, 18 - قازان 2017 | GMT +5
گولوۆكين-الۆارەس قارىمتا كەزدەسۋى ناۋرىز ايىندا ءوتۋى مۇمكىن
استانا. قازاقپارات - قازاقستاندىق بىلعارى قولعاپ شەبەرى گەننادي گولوۆكين مەن مەكسيكالىق بوكسشى ساۋل الۆارەس قارىمتا كەزدەسۋى ءوتۋى مۇمكىن جاڭا داتا بەلگىلى بولدى، دەپ جازادى Sports.kz.
Boxingscene.com سايتىندا Golden Boy Promotions پرەزيدەنتى ەريك گومەستىڭ: «جەكپە- جەكتىڭ ءدال قاي كۇنى وتەتىنى ءالى تولىق شەشىلگەن جوق. كەلىسسوزدەر ءجۇرىپ جاتىر. ءبىز رەۆانشتى جوسپارداعىدان ەرتەرەك، ماسەلەن، ناۋرىزدا وتكىزۋ جايلى اڭگىمەلەستىك. ءبىراق مامىر - PPV- ساتىلىمدار ءۇشىن وتە قولايلى اي»، - دەگەن ءسوزى جاريالاندى.
ەسكە سالا كەتسەك، بۇعان دەيىن گولوۆكيننىڭ پروموۋتەرى توم لەففلەر «كانەلوعا» قارسى قارىمتا كەزدەسۋ وتكىزۋگە ەڭ قولايلى كۇن 2018-جىلدىڭ 5- مامىرى ەكەنىن ايتقان بولاتىن.
