09:41, 18 - قازان 2017 | GMT +6
ومان سۇلتاندىعى قازاقستان ازاماتتارىنا ۆيزالىق رەجىمدى جەڭىلدەتتى
استانا. قازاقپارات - قازاقستاننىڭ سىرتقى ىستەر مينيسترلىگى باسپا ءسوز قىزمەتىنىڭ جەتەكشىسى ءانۋار جايناقوۆ فەيسبۋكتە ومان سۇلتاندىعىنداعى ق ر ەلشىسى ەرجان مۇقاشتىڭ ومان سۇلتاندىعىنىڭ قازاقستان ازاماتتارىنا ۆيزالىق رەجىمدى جەڭىلدەتۋ جونىندەگى حابارلاماسىمەن ءبولىستى، دەپ حابارلايدى قازاقپارات.
«ومان سۇلتاندىعىنىڭ ۇكىمەتى قازاقستان ازاماتتارىنا ۆيزالىق رەجىمدى جەڭىلدەتۋ جونىندە شەشىم قابىلدادى. بۇدان بىلاي ا ق ش، كانادا، اۋستراليا، ۇلى بريتانيا، شەنگەن كەلىسىمى ەلدەرىنىڭ ۆيزالالارى نەمەسە وسى ەلدەردە تۇراقتى تۇرۋعا رۇقساتتارى بار قازاقستاندىقتار وماندىق تۋريستىك ۆيزانى شاقىرتۋسىز 30 كۇنگە دەيىن الا الادى. باستى تالاپ - قايتۋ بيلەتى مەن قوناق ءۇيدىڭ برونى بولۋى ءتيىس»، - دەلىنگەن حابارلامادا.
