سارسەنبىدە ەلىمىزدىڭ باسىم بولىگىندە جاۋىن جاۋادى

استانا. قازاقپارات - 18 -قازاندا قازاقستاننىڭ باسىم بولىگىندە اتموسفەرالىق اعىنداردىڭ وتۋىنە بايلانىستى جاڭبىر كۇتىلەدى، وڭتۇستىك- شىعىس جانە وڭتۇستىكتىڭ كەي جەرلەرىندە كۇشتى جاڭبىر جاۋادى، دەپ حابارلايدى قازاقپارات قازگيدرومەتكە سىلتەمە جاساپ.

ەلىمىزدىڭ كەي جەرلەرىندە تۇمان مەن جەلدىڭ كۇشەيۋى كۇتىلەدى. اقمولا، الماتى، قىزىلوردا، ماڭعىستاۋ، اتىراۋ، قاراعاندى، شىعىس قازاقستان وبلىستارىنىڭ كەي جەرلەرىندە جەل 15-23 م/س كۇشەيەدى.

سولتۇستىك قازاقستان، وڭتۇستىك قازاقستان وبلىستارىنىڭ كەي جەرلەرىندە جەل 15-20 م/س، ەكپىنى 23-28 م/س كۇشەيەدى.

باتىس قازاقستان، اقتوبە، قوستاناي، پاۆلودار وبلىستارىنىڭ كەي جەرلەرىندە تۇمان كۇتىلەدى، اقتوبە، قوستاناي، كۇندىز پاۆلودار وبلىستارىندا جەل 15-20 م/س كۇشەيەدى.

جامبىل وبلىسىنىڭ كەي جەرلەرىندە تۇمان، جەل 15-20 م/س، ەكپىنى 23-28 م/س- گە جەتەدى، ءوڭىردىڭ وڭتۇستىك باتىسىندا اسا كۇشتى 30 م/س جەل سوعادى.