ساعىنتايەۆ ۆەتنام ۇلتتىق جينالىسىنىڭ تورايىمىمەن كەزدەستى

استانا. قازاقپارات - بۇگىن ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتايەۆ ۆەتنام ۇلتتىق جينالىسىنىڭ ءتورايىمى نگۋەن تحي كيم نگان حانىممەن كەزدەستى، دەپ حابارلايدى primeminister.kz.

كەزدەسۋ بارىسىندا ساۋدا-ەكونوميكالىق ىنتىماقتاستىقتى اسىرەسە اۋىل شارۋاشىلىعى، مينەرالدى رەسۋرستار جانە كولىك سالاسىندا ودان ءارى دامىتۋ ماسەلەلەرى تالقىلاندى.

بۇدان وزگە، تۋريستىك سالادا ءوزارا ءىس-قيمىل جاساسۋ كەلەشەگى قارالدى. بيىل قازاقستان مەن ۆەتنامنىڭ ديپلوماتيالىق قارىم-قاتىناس ورناتقانىنا 25 جىل تولدى.

قازاقستان مەن ۆەتنام اراسىنداعى سىرتقى ساۋدا اينالىمى 2017-جىلدىڭ قاڭتار-تامىز ارالىعىندا 364,7 ميلليون ا ق ش دوللارىن قۇرادى، بۇل وتكەن جىلدىڭ وسى كەزەڭىمەن سالىستىرعاندا %79,4 عا جوعارى كورسەتكىش.

ق ر- دان ۆەتنامعا ەكسپورت كولەمى 2017-جىلدىڭ قاڭتار-تامىز ارالىعىندا %125,2 عا ءوسىپ، 192,9 ميلليون ا ق ش دوللارىن قۇرادى.