20:37, 17 - قازان 2017 | GMT +5
جانات جاقيانوۆتىڭ ايقاسىن قاي تەلەارنا كورسەتەدى؟
استانا. قازاقپارات - 21- قازاننان 22- قازانعا قاراعان ءتۇنى بوكس جانكۇيەرلەرى «QAZSPORT» ارناسىنان تىكەلەي ەفيردە قازاقستاندىق بوكسشى جانات جاقيانوۆتىڭ بوكسىن تاماشالاي الادى، دەپ حابارلايدى قازاقپارات ءتىلشىسى تەلەارنا سايتىنا سىلتەمە جاساپ.
سولتۇستىك يرلانديانىڭ بەلفاست قالاسىندا ەڭ باستى جەكپە-جەكتە جەڭىل سالماقتاعى WBA Super جانە IBO نۇسقالارى بويىنشا الەم چەمپيونى جانات جاقيانوۆ (27 جەڭىس، 18 نوكاۋت، 1 جەڭىلىس) جانە IBF نۇسقاسى بويىنشا الەم چەمپيونى سولتۇستىك يرلانديالىق رايان بارنەتت (17 جەڭىس، 9 نوكاۋت، جەڭىلىس جوق) شىعاتىن بولادى.
جاقيانوۆ الەمدىك بوكس رەيتينگىسىندە 12-ورىندا بولسا، بارنەتت-5- ورىندا.
جانات جاقيانوۆ WBA Super جانە IBO بەلبەۋلەرىن 2017-جىلدىڭ اقپانىندا الدى، ال بارنەتت ماۋسىم ايىندا IBF چەمپيوندىق بەلبەۋىنە يە بولعان بولاتىن.
اۆتور: كۇنسۇلتان وتارباي
