ۆەلوشاباندوز «التىن ۆەلوسيپەد» سىيلىعىن يەلەندى

استانا. قازاقپارات - دۇنيەجۇزىلىك تۋردىڭ Team Sky كومانداسىنىڭ اتىنان شىعاتىن بريتاندىق ۆەلوشاباندوز كريس فرۋم «التىن ۆەلوسيپەد-2017» سىيلىعىنىڭ يەگەرى اتاندى.

بۇل جايلى L'Equipe باسىلىمى جازدى.

«التىن ۆەلوسيپەد» سىيلىعى 1992-جىلدان بەرى جىل سايىن تاس جول ۆەلوسپورتىنداعى ماۋسىمنىڭ ۇزدىك شاباندوزىنا فرانسۋزدىق Velo Magazine جۋرنالىمەن تابىستالادى.

32 جاسار بريتاندىق بۇعان دەيىن ەكى مارتە، 2013 جانە 2015-جىلدارى «التىن ۆەلوسيپەد» سىيلىعىنىڭ يەگەرى اتانعان.

فورۋم «تۋر دە فرانستىڭ» ءتورت دۇركىن جەڭىمپازى (2013, 2015, 2016, 2017). بيىلعى جىلدىڭ جازىندا ءبىر ماۋسىمدا «تۋر دە فرانس» پەن «ۆۋەلتە يسپانيادا» جەڭىسكە جەتكەن ول قازىرگى زامان تاريحىنداعى ءبىرىنشى ۆەلوشاباندوز اتاندى.