ەلباسى استىق جيناۋ ناۋقانىن اياقتاعان ەڭبەككەرلەردى قۇتتىقتادى
«استىق جيناۋ - ديقاندار ءۇشىن عانا ەمەس، بۇكىل ەلىمىز ءۇشىن ايتۋلى ناۋقاننىڭ ءبىرى. ەگىن ورۋ ناتيجەلەرى مەملەكەتتەگى ازىق-تۇلىك قاۋىپسىزدىگى دەڭگەيىن جانە قوعامداعى الەۋمەتتىك-ەكونوميكالىق تۇراقتىلىقتى ايقىندايدى. سىزدەردىڭ ماڭداي تەرلەرىڭىزدىڭ ارقاسىندا قازاقستان ءوزىنىڭ جەتەكشى استىق دەرجاۆاسى ەكەنىن تاعى دا دالەلدەدى. 21 ميلليون توننادان اسا استىق جينالدى. سونىڭ ۇشتەن ەكىسىنەن استامى الەمدىك ستاندارتتارعا ساي كەلەتىن جوعارى ساپالى ونىمگە جاتادى. مايلى داقىلدار ەگىلەتىن ەگىستىك القابى ايتارلىقتاي كوبەيدى. جالپى، استىق جيناۋ ناۋقانىنىڭ قورىتىندىسى ەلىمىزدىڭ اگروونەركاسىپ كەشەنىنىڭ الەۋەتى زور ەكەنىن كورسەتىپ وتىر. بۇگىندە مەملەكەت اۋىل شارۋاشىلىعى سالاسىن جۇيەلى تۇردە جەتىلدىرۋگە جانە ءارتاراپتاندىرۋعا باعىتتالعان ساياسات جۇرگىزۋدە. ونى ءارى قاراي ىلگەرىلەتۋدىڭ ماڭىزدى شارتى - قايتا وڭدەلگەن ءونىم شىعارۋعا كوشۋ. قازاقستان الەمدەگى ەكسپورتتىق اۋىل شارۋاشىلىعى ونىمدەرىن شىعاراتىن ءىرى ەلدىڭ ءبىرى بولۋعا ءتيىس. ءبىز حالقىمىزدىڭ ءال-اۋقاتىن جاقسارتۋ جولىنداعى اۋىل ەڭبەككەرلەرىنىڭ ەڭبەگىن جوعارى باعالايمىز. سىزدەردى ەگىن ورۋ ناۋقانىنىڭ تابىستى اياقتالۋىمەن قۇتتىقتايمىن! بارشاڭىزعا زور دەنساۋلىق جانە وتانىمىزدى ودان ءارى وركەندەتۋ جولىندا تولاعاي تابىس تىلەيمىن!»، - دەلىنگەن ەلباسىنىڭ قۇتتىقتاۋىندا.
