اقشانى قايدا جۇمساعان دۇرىس؟

 استانا. قازاقپارات - اقشا. نارىقتىق ەكونوميكا داۋىرىندە ءومىر ءسۇرىپ جاتقاندىقتان، اقشا تۋرالى تاقىرىپ وزەكتىلىگىن جوعالتپايتىنى انىق.

 ءبىزدىڭ كۇندەلىكتى شىعىنىمىزعا شەك جوق. ءبىراق، ۋايىمسىز بولاشاقتى قامتاماسىز ەتۋ ءوز قولىمىزدا.

 20 جاسىڭىزدا تاپقان قارجىنى قايدا جۇمساعان دۇرىس؟

 ءبىلىم: بىرنەشە جىلدان سوڭ كاسىبي مامان رەتىندە جۇمىسقا ورنالاسىز نەمەسە قازىر ءبىر مەكەمەدە قىزمەت ەتىپ جاتىرسىز. ەگەر تاپقان تابىسىڭىز ارتىلىپ جاتسا، بولاشاقتا ءوزىڭىز كەرەك بولۋ مۇمكىن دەگەن داعدىلاردى قالىپتاستىرۋ ماقساتىندا ءبىلىمىڭىزدى جەتىلدىرىڭىز. ارتىق اقشانى قىدىرۋ مەن كيىم، تاماق الۋعا جۇمساعانشا ارنايى وقۋ كۋرستارىنا، سەمينارلار مەن ترەنينگتەرگە جازىلىڭىز. بۇل شىعىندار ءبىر ۋاقىتتا سىزگە ەسەسىن قايتاراتىن بولادى. سونىمەن قاتار، بولاشاقتا جالاقىڭىزدىڭ وسىمىنە اسەر ەتۋى مۇمكىن. كەلەشەك جوسپارلارىڭىزعا: 20 جاس -  ەرەسەك شاقتىڭ باستاپقى باسپالداعى. بىرنەشە جىلدان سوڭ وتباسىن قۇراسىز. ەگەر، سول ۋاقىتتا شىعىن كولەمىن ازايتىپ، اتا- اناڭىزعا قولعابىس جاساۋدى ويلاساڭىز، بۇگىننەن باستاپ قامدانىڭىز. دەپوزيت اشىپ، ارتىق اقشالاردى ساقتاڭىز. ەسەسىنە، كەز كەلگەن قيىندىقتان ءسىزدى الىپ شىعاتىن ارتىق قارجى قولىڭىزدا بولادى.

 30 جاستا تاپقان تابىسىڭىزدى قالاي جۇمسايسىز؟

وتباسى قورىن جيناقتاڭىز: ەندى ءسىز وتباسىلى ادامسىز. داعدارىس كەز كەلگەن ۋاقىتتا تۋىنداۋى مۇمكىن. سوندىقتان، بالالارىڭىز اش قالماۋ ءۇشىن قور جيناقتاڭىز. ونى بانكتەردەگى جيناق قورى ارقىلى ىسكە اسىرۋىڭىزعا بولادى. جەكە بيزنەس اشۋعا جۇمساڭىز: نەگىزى ادامداردىڭ كوبى تاۋەلكەلگە بارا بەرمەيدى. ءبىراق، بيزنەسىڭىز ورگە ءجۇزى ءۇشىن الدىمەن، شىعىنعا باتۋىڭىزعا تۋرا كەلەدى. سوندا عانا جەتىستىككە جەتە الاسىز. ەگەر، قارتايعان شاعىڭىزدا ساياحاتتاپ، ەركىن دەمالۋدى قالاساڭىز، بۇگىننەن باستاپ ىسكە كىرىسىڭىز. دەنساۋلىعىڭىزعا: 30 جاستان اسقان سوڭ دەنساۋلىعىڭىز سىر بەرە باستادى. سىزگە بايقالماۋى مۇمكىن، ءبىراق، بارلىق بيولوگيالىق ۇردىستەردىڭ جىلدامدىعى تومەندەيدى. سوندىقتان، دەنساۋلىعىڭىز سىر بەرگەن جاعدايدا بارماق تىستەپ قالماۋ ءۇشىن اقشاڭىزدىڭ ءبىر بولىگىن الىپ قويىڭىز.

40 جاستا نە ىستەيسىز؟

بالالارىڭىزعا: بۇل جاستا بالالارىڭىزدىڭ الدى ۋنيۆەرسيتەت قابىرعاسىن اتتاعان بولار. ولاردىڭ وزدەرىنىڭ ارماندارى مەن ماقساتتارى بار. سول ارماندارىنىڭ شىندىققا اينالۋى ءۇشىن ءسىزدىڭ كومەگىڭىز كەرەك بولۋى مۇمكىن. بالالارىڭىزدىڭ وقۋىنان اقشا اياماڭىز. ولار وقيمىن دەسە، بەلىن بۋىڭىز. ەشقاشان «اقشا جوق» دەگەن سىلتاۋمەن، بالاڭىزدىڭ ارمانىنا بالتا شاپپاڭىز. سوندىقتان، اقشاڭىز ارتىلىپ جاتسا، بالالارىڭىزدىڭ وقۋىنا دەپ ساقتاپ قويىڭىز.

 ساياحاتقا: وسى ۋاقىتقا دەيىن تەر توگىپ، تىڭباي ەڭبەك ەتسەڭىز، ەندى دەمالاتىن ۋاقىت كەلدى. قارجىڭىزدىڭ ءبىر بولىگىن جيناپ، جارىڭىزدى قاسىڭىزعا الىپ، ساياحاتتاڭىز.

ارتىق شاشىلماڭىز: توي، قوناق كۇتۋ سەكىلدى ارتىق شىعىنداردى قىسقارتۋعا تىرىسىڭىز. بارىڭىز، ارالاسىڭىز. ءبىراق، جۇرت بىلاي ەتەدى ەكەن دەپ ءوز جاعدايلارىڭىزدان ارتىق شاشىلۋدىڭ كەرەگى جوق. ونىڭ ورنىنا جوعارىدا اتاپ وتكەنىمىزدەي، بالالارىڭىزدى ءتىل كۋرسىنا، سپورتقا بەرىڭىز. ەسەسىنە، ونىڭ قايتارىمى مول بولادى. ۇنەمدەپ ۇيرەنىڭىز، ورنىمەن جۇمساپ ۇيرەنىڭىز. ءبارى ءسىز ويلاعانداي بولادى!

 

Massaget.kz