سولتۇستىك كورەيا يادرولىق سوعىس كەز كەلگەن ساتتە باستالۋى مۇمكىن ەكەنىن جەتكىزدى
ك ح د ر ب ۇ ۇ تۇراقتى وكىلىنىڭ ورىنباسارى كيم ين رەن ب ۇ ۇ باس اسسامبلەياسىنداعى كوميتەت وتىرىسىندا سويلەگەن سوزىندە شىلدە ايىندا قابىلدانعان يادرولىق قارۋعا تولىعىمەن تىيىم سالۋ تۋرالى كونۆەنتسيانىڭ قولدايتىنىن ءبىلدىرىپ، سونىمەن بىرگە بۇل قۇجاتتى ا ق ش- تىڭ قابىلداماعانىن اتاپ ءوتتى.
«ك ح د ر يادرولىق قارۋدى تولىعىمەن جويۋدى جانە بۇكىل الەمدى يادرولىق قارۋدان ارىلۋىنا ات سالىسۋدى قولدايدى. الايدا ك ح د ر قاۋىپ ءتوندىرىپ، بوپسالاپ وتىرعان ا ق ش ەلى يادرولىق قارۋعا تىيىم سالۋ تۋرالى كەلىسىمدى مويىندامايىنشا، سولتۇستىك كورەيا كەلىسىمگە قوسىلمايدى»، - دەپ مالىمدەدى كيم ين رەن.
«الەمدەگى ەشبىر ەل ا ق ش تاراپىنان تىكەلەي يادرولىق قاۋىپكە ۇشىراعان ەمەس. كورەيا تۇبەگىندەگى احۋال شارىقتاۋ شەگىنە جەتتى - يادرولىق سوعىس كەز كەلگەن ساتتە باستالۋى مۇمكىن»، - دەپ اتاپ ءوتتى پحەنيان وكىلى.
