پرەزيدەنتتەردىڭ بالالارى قالاي ءومىر سۇرەدى - فوتو

استانا. قازاقپارات - كوپتەگەن مەملەكەت باسشىلارى وزدەرىنىڭ وتباسى جانە جەكە ومىرلەرى تۋرالى اقپارات تاراتپاۋعا تىرىسادى.

بۇل تۋرالى Caravan.kz جازادى.

جاقىندا قازاقستاندىق ب ا ق- تا قىرعىزستاننىڭ جاڭادان سايلانعان پرەزيدەنتى سوورونباي جەەنبەكوۆتىڭ ايەلى مەن قىزىنىڭ دا سۋرەتى پايدا بولىپ ۇلگەردى.

 

ساياساتكەردىڭ قىزى باقتىگۇلدىڭ سۋرەتى جەلى قولدانۋشىلارىنىڭ قىزىعۋشىلىعىن تۋدىرىپ ۇلگەردى. بويجەتكەن بوريس ەلتسين اتىنداعى قىرعىز-رەسەي سلاۆيان ۋنيۆەرسيتەتىندە وقيدى. ول دەپۋتات الياربەك ابجاليەۆتىڭ ۇلى اتابەككە تۇرمىسقا شىققان.

ماريا جانە ەكاتەرينا پۋتينا - رەسەي فەدەراتسياسى پرەزيدەنتىنىڭ قىزدارى.

 

ب ا ق اقپاراتى بويىنشا قىزدار سانكت- پەتەربۋرگتەگى نەمىس ءتىلىن تەرەڭدەتىپ وقىتاتىن مەكتەپتە ءبىلىم العان. ماريانىڭ ەكى جوعارى ءبىلىمى بار: بيولوگ جانە مەديتسينا مامانى. ال ەكاتەرينا سانكت- پەتەربۋرگتە شىعىستانۋ فاكۋلتەتىندە وقىعان. ەكەۋى دە سىرتتاي ءبىتىرىپ شىققان.

قازىرگى كەزدە پۋتيننىڭ ۇلكەن قىزى ماريا گوللانديالىق بيزنەسمەن يورريت يووست فاسسەنگە تۇرمىسقا شىققان. ال كاتيا تۋرالى اقپارات وتە از.

شي مينجە - ق ح ر ءتوراعاسىنىڭ قىزى. ول 1992 -جىلى تۋعان. 2008 -جىلى 16 جاستاعى شي مينجە جەر سىلكىنىسى بولعان ايماققا بارىپ، ەرىكتى رەتىندە جۇمىس ىستەگەن. 2010 -جىلى ول گارۆاردقا وقۋعا تۇسەدى. ول قىتاي باسشىسىنىڭ قىزى ەكەنىن جاسىرا وتىرا، پسيحولوگيا مەن اعىلشىن ءتىلىن مەڭگەرىپ شىققان.

 

شاحنوزا ميرزيەيەۆا - وزبەكستان پرەزيدەنتىنىڭ قىزى. ميرزيەيەۆتىڭ ايەلى جانە بالالارى تۋرالى اقپارات جوقتىڭ قاسى. تەك شاحنوزا، سايدا ەسىمدى قىزدارى جانە داۆرون دەگەن ۇلى بار ەكەنى عانا بەلگىلى.

 

گەيدار، لەيلا، ارزۋ اليەۆتەر - ازەربايجان پرەزيدەنتىنىڭ بالالارى. سونداي-اق، سۋرەتتە مەملەكەتتىڭ ءبىرىنشى حانىمى مەحريبان اليەۆا دا بار.

 

گەيدار ديپلوماتيالىق اكادەميادا وقىسا، قىزدار «Kapitalbank» بەنەفيتسيارلارى بولىپ جۇمىس ىستەيدى. سونىمەن قاتار، ۇلكەن قىزى لەيلا «باكۋ» جۋرنالىنىڭ باس رەداكتورى رەتىندە دە جۇمىس ىستەيدى.

گۇلدجاحون، گۇلشان جانە سەردار - تۇركىمەنستان پرەزيدەنتىنىڭ بالالارى. سۋرەتتە پرەزيدەنتتىڭ ۇلى سەردار. ال جەلىدە قىزدارىنىڭ سۋرەتى مۇلدە جاريالانباعان. بەلگىلىسى ۇلكەن قىزى لوندوندا، ەكىنشى قىزى پاريجدە تۇرادى. ەكەۋى دە تۇرمىسقا شىققان.

ال سەردار اۋىلشارۋاشىلىعى ءمينيسترىنىڭ ورىنباسارى بولىپ جۇمىس ىستەگەن. ال جازدا ول سىرتقى ىستەر مينيسترلىگىنىڭ لاۋازىمدى ورىنتاعىنا جايعاسقان. بيلىك كەيىن سەرداردىڭ قولىنا ءوتۋى مۇمكىن دەگەن دە سىبىس بار.