الماتىلىق قىز «باي» جىگىتكە تۇرمىسقا شىعۋ ءۇشىن ميلليون تەڭگەسىن تارك ەتكەن

استانا. قازاقپارات - ءوزىن قالتالى ازامات رەتىندە كورسەتكەن الماتىلىق سىمباتتى الاياق جىگىت قىزدارعا ۇيلەنەمىن دەپ الداپ، ولاردار ميلليون تەڭگە جىمقىرىپ كەتكەن.

بۇل تۋرالى Patrul.kz جازادى.

الاياق قىزدارمەن تانىسىپ، ولارمەن بىرنەشە رەت كەزدەسكەننەن كەيىن وعان ۇيلەنگىسى كەلەتىنىن ايتقان. ءىسى سەنىمدى شىعۋى ءۇشىن ءوز وتباسىمەن دە تانىستىرىپ، قىمبات مەيرامحانالارعا دا اپارعان.

ءوزى ارمانىنداعى جىگىتتى جولىقتىرىپ، ونىڭ ۇستىنە ونىڭ بايلىعى مەن ىقپالدىلىعىنا كۋا بولعان قىز الاياقتىڭ قولىنا ميلليون تەڭگە ۇستاتا سالعان. ال جىگىت بولسا اقشا وزىنە اۆتوكولىك ساتىپ الۋ ءۇشىن كەرەك دەپ الداعان. ول كەي قىزدارعا بەدەلدى لاۋازىمدى قىزمەتتەر ۇسىنىپ، ءتيىستى اقشاسىن الىپ وتىرىپتى.

اقشا قالتاسىنا تۇسكەننەن كەيىن ول بارلىق رومانتيكانى دوعارىپ، تايىپ تۇرعان. الاياقتىڭ ارباۋىنا تۇسكەندەرىن ءبىر-اق بىلگەن الماتىلىق قىزدار پوليتسياعا شاعىم تۇسىرەدى. قازىرگى تاڭدا جىگىت تاراپىنان جاسالعان التى الاياقتىق ارەكەت تىركەلدى. ونىڭ ءىسىن قازىر اۋەزوۆ اۋداندىق پوليتسياسى قاراستىرىپ جاتىر.