اعىمداعى جوسپارلار بيۋدجەتتەردىڭ بارلىق دەڭگەيلەرىندە اسىرا ورىندالدى - قارجى مينيسترلىگى
دەپ حابارلايدى قازاقپارات.
«كىرىستەر بويىنشا اعىمداعى جوسپارلار بيۋدجەتتەردىڭ بارلىق دەڭگەيلەرىندە اسىرا ورىندالدى، ياعني مەملەكەتتىك بيۋدجەت - 103,9 پايىزعا، رەسپۋبليكالىق بيۋدجەت - 102,1 پايىزعا جانە جەرگىلىكتى بيۋدجەتتەر - 107,8 پايىزعا. جىلدىق جوسپاردى تولىعىمەن ورىنداۋدا ەشقانداي پروبلەما جوق»، - دەيدى باقىت سۇلتانوۆ.
ونىڭ پايىمىنشا، تۇسىمدەردىڭ ارتىعىمەن ورىندالۋىنا سالىقتىق تەكسەرۋلەردى قىسقارتۋ ەسەبىنەن بيزنەس- كليماتتى جاقسارتۋ بويىنشا قابىلدانىپ جاتقان شارالار دا اسەر ەتتى. «شىعىستار بويىنشا يگەرۋ پايىزى بارىنشا جوعارى: مەملەكەتتىك بيۋدجەت - 98,8 پايىز، رەسپۋبليكالىق بيۋدجەت - 99,3 پايىز جانە جەرگىلىكتى بيۋدجەت - 98,2 پايىز. شىعىستاردىڭ جوعارى اتقارىلۋىنا ونلاين- مونيتورينگتەۋ مەن قاراجاتتى يگەرۋ بويىنشا ورتالىق جانە جەرگىلىكتى اتقارۋشى ورگاندارمەن جۇرگىزىلگەن سەلەكتورلىق كەڭەستەر ارقىلى «قولما- قول باسقارۋ شارالارى» ىقپال ەتتى»، - دەدى مينيستر.
سونىمەن قاتار ول مەملەكەتتىك ساتىپ الۋ بۇرىنعىدان دا تەز جانە ايقىن بولعانىن اتاپ ءوتتى. اعىمداعى جىلى مەملەكەتتىك ساتىپ الۋدىڭ بارلىق كەزەڭدەرى ەلەكتروندىق فورماتقا اۋىستىرىلدى. «باقىلاۋ جۇمىسىندا جۇرگىزىلىپ جاتقان شارالاردىڭ پارمەندىلىگى كۇشەيتىلدى. مەملەكەتتىك ساتىپ الۋ راسىمدەرىن كامەرالدىق باقىلاۋ تولىعىمەن اۆتوماتتاندىرىلدى. ناتيجەسىندە، مەملەكەتتىك ساتىپ الۋدىڭ راسىمدەرىندە بۇزۋشىلىقتار 5 ەسەگە ازايدى»، - دەدى باقىت سۇلتانوۆ.
اۆتور: رۋسلان عابباسوۆ
