شەتەلدىك عالىمدار قارتايۋدان ساقتانۋدىڭ ءتيىمدى جولىن انىقتادى

استانا. قازاقپارات - كەيس ۆەستەرن رەزەرۆ ۋنيۆەرسيتەتىنىڭ عالىمدارى سۇتقورەكتىلەر مەن قۇرتتاردىڭ ءومىر ءسۇرۋ ۇزاقتىعىن انىقتايتىن مولەكۋليارلى مەحانيزمدى انىقتادى. اعزاسىندا جوعارى دەڭگەيدەگى انىق ءبىر اقۋىزدارى بار جانۋارلار ۇزاق ءومىر سۇرەدى جانە كارىلىك دەرتىنە سيرەك جاعدايدا شالدىعادى ەكەن.

  اقۋىزداردىڭ شوعىرلانۋىنىڭ (KLF) جوعارىلاۋى نەمەسە تومەندەۋى Caenorhabditis elegans  جۇمىر قۇرتتارىنىڭ ءومىرىن ۇزارتۋعا نەمەسە قىسقارتۋعا اسەر ەتەدى. KLF تەك قانا قۇرتتاردا ەمەس، سۇتقورەكتىلەردە، ياعني ادامداردا دا بار. جاس ۇلعايعان سايىن KLF تومەندەيدى. بۇل اقۋىزداردىڭ قان تامىرلارى جۇيەسىنىڭ قىزمەتىن ءبىرقالىپتى ۇستاۋدا ماڭىزى زور. ولاردىڭ بولماۋى قان قىسىمىنىڭ جوعارىلاۋىنا، جۇرەك- قان تامىرلارى اۋرۋلارىنا جانە دەمەنتسياعا (اقىلدىڭ كەمدىگى) اكەلىپ سوعادى. ياعني «ولگەن» جاسۋشالار مەن ۋلى زاتتار جينالىپ، ءومىر جاسىڭىزدىڭ قىسقارۋىنا سەبەپ بولادى.

www.24.kz