نازاربايەۆ: قىرعىزستان جەەنبەكوۆتىڭ باسشىلىعىمەن جاڭا جەتىستىكتەرگە جەتەدى

استانا. قازاقپارات - قازاقستان پرەزيدەنتى نۇرسۇلتان نازاربايەۆ سوورونباي جەەنبەكوۆتى قىرعىزستاننىڭ پرەزيدەنتتىگىنە سايلانۋىمەن قۇتتىقتادى.

بۇل تۋرالى اقوردا حابارلايدى.

نازاربايەۆ ءوزىنىڭ حاتىندا قىرعىزستان سوورونباي جەەنبەكوۆتىڭ باسقارۋىمەن ءوزىنىڭ دامۋ جولىنداعى جاڭا بەلەستەرگە شىعاتىنىنا سەنىمدىلىك ءبىلدىردى.

«مەن، قازاقستان مەن قىرعىزستان اراسىندا ەكى جاققا دا ءتيىمدى سەرىكتەستىككە نەگىزدەلگەن قارىم- قاتىناسى ودان ارى ءوز جالعاسىن تاباتىنىنا سەنىمدىمىن. سىزگە جاۋاپتى مەملەكەتتىك قىزمەت اتقارۋ جولىندا زور دەنساۋلىق پەن جەتىستىكتەر، ال باۋىرلاس قىرعىز حالقىنا اشىق اسپان مەن اماندىق تىلەيمىن»، - دەلىنگەن پرەزيدەنت نازاربايەۆتىڭ جەدەل حاتىندا.

قىرعىزستانداعى پرەزيدەنت سايلاۋى 15 -قازاندا ءوتتى. 16 -قازانداعى مالىمەتتەرگە سايكەس، سوورونباي جەەنبەكوۆ سايلاۋشىلاردىڭ %52,55 داۋىسىنا يە بولىپ، جەڭىسكە جەتتى.

بۇعان دەيىن جەەنبەكوۆ تە قازاقستان جانە نازاربايەۆ تۋرالى ءوز ويىمەن بولىسكەن بولاتىن.