قازگەولوگيا كەن ىزدەۋگە اۋەدەن جاڭا تەحنولوگيانى پايدالاندى
اتاپ ايتقاندا، بيىل 31 -تامىزدان 13 -قازانعا دەيىن يندۋستريالدى التىن- كۇمىس كەن ورىندارىن، مىس- التىن سكارندى، التىن- سۋلفيدتى كەندەردى تاۋىپ، پەرسپەكتيۆالى ۋچاسكەلەردى انىقتاۋ ماقساتىندا اەروگەيوفيزيكالىق جۇمىستار جۇرگىزىلدى.
كەشەندى اەروگەوفيزيكالىق ءتۇسىرىلىم قۇرامىندا ماگنيتولوگيالىق جانە ەلەكترلى بارلاۋ بار. پولياريزاتسيالانۋ تۋرالى ايقىن دەرەكتەر الۋ ءۇشىن VTEM موديفيكاتسياسىندا وتپەلى پروتسەستى قولدانىلادى.
بىرەگەي VTEM نەمەسە VersatileTime Domain Electro Magnetic جۇيەسى 10 جىلدان استام پايدالانىلاتىن ەڭ يننوۆاتسيالىق، ءمىنسىز جانە تابىستى اەروۇتقىرلىق جۇيە بولىپ تابىلادى.
قازىرگى زامانعى تسيفرلىق ەلەكترونيكا مەن سيگنالداردى وڭدەۋ ادىستەرىن پايدالاناتىن قابىلداعىشتىڭ پاتەنتتەلگەن ديزاينىندا شۋ دەڭگەيى وتە تومەن بولادى. زەرتتەۋ تەرەڭدىگى مەن ەلەكتروماگنيتتىك ولشەمدەردىڭ دالدىگى تۇرعىسىنان اپپاراتۋرانىڭ بالاماسى جوق.
زەرتتەۋ تەرەڭدىگى 800 مەترگە دەيىن جەتەدى. الەمنىڭ بىرنەشە وڭىرلەرىندەگى سىناق الاڭدارىندا VTEM- مەن جاسالعان اەروفوتو تۇسىرىلىمدەر باسەكەلەس اەروگەوفيزيكالىق ەلەكتروماگنيتتىك جۇيەلەرمەن سالىستىرعاندا تاماشا ناتيجەلەر كورسەتتى.
ءتۇسىرىلىمدى «قازگەولوگيا» ا ق مەن كانادالىق GeotechLtd كومپانياسى اراسىندا بىرلەسكەن كاسىپورىن بولىپ تابىلاتىن «قازگەوتەح» ج ش س جاسادى. جۇمىس كولەمى شامامەن 6,5 مىڭ كم اۋماقتى قامتىدى. جۇمىستىڭ ناتيجەلەرى بويىنشا گەولوگيالىق بارلاۋ جۇمىستارىن ودان ءارى تەرەڭدەتۋ جونىندە ۇسىنىستار جاسالادى.
ايتا كەتۋ كەرەك، بۇل - «پوليمەتالل ۋ ك» ا ق-نىڭ قازاقستانداعى العاشقى ىزدەستىرۋ جوباسى.
