07:25, 17 - قازان 2017 | GMT +5
قازاقستاندىقتارعا مەملەكەتتىك ساراپتامادان ءوتىپ جاتقان وقۋلىقتاردى باعالاۋ ۇسىنىلدى
استانا. قازاقپارات - «قوعامدىق باعالاۋ» پورتالىنا قازىرگى ۋاقىتتا مەملەكەتتىك ساراپتامادان ءوتىپ جاتقان 3, 6, 8-سىنىپ وقۋلىقتارى ورنالاستىرىلدى، دەپ حابارلايدى قازاقپارات «وقۋلىق» رەسپۋبليكالىق عىلىمي- پراكتيكالىق ورتالىعىنا سىلتەمە جاساپ.
«وقۋلىق» رەسپۋبليكالىق عىلىمي- پراكتيكالىق ورتالىعىنىڭ سايتىندا ورنالاسقان «وقۋلىقتاردى قوعامدىق باعالاۋ» باننەرى ارقىلى اشىپ، كورۋگە بولادى.
بۇل پورتال وقۋلىقتاردىڭ ساپاسى بويىنشا اتا- انالاردىڭ جانە پەداگوگتار قاۋىمىنىڭ پىكىرلەرى مەن ۇسىنىستارىن قابىلداۋعا ارنالعاندىعى اتاپ وتىلگەن.
كەز كەلگەن ادام وقۋ ادەبيەتتەرىنىڭ ساپاسى مەن مازمۇنىن جاقسارتۋ ماقساتىندا پىكىرى (ەسكەرتۋ) مەن ۇسىنىستارىن قالدىرا الادى.
