سەزىمنىڭ ويانۋىنا نە تۇرتكى؟
كوپ جاعدايدا العاشقى تانىستىقتان كەيىن ىشكى جان دۇنيەدە بەلگىسىز تىلسىم ويانىپ، سەزىم تەرەڭدەي تۇسەدى. ال كەيدە كۇن سايىن جانىڭىزدا جۇرگەن جاننىڭ ءوزى اياق استىنان سەزىمىن بىلدىرسە، وعان تاڭدانباڭىز. سەبەبى سەزىم ويانۋىنا دا ءارتۇرلى جاعداي تۇرتكى بولادى. قىزعانىش. ءسىز بۇرىن جالعىز جۇرگەن كەزىڭىزدە ەلەمەگەن بولسا، باسقامەن كوڭىل جاراستىرا باستاعاندا ونىڭ دا نازارى سىزگە اۋادى. سەبەبى سۇيگەن كەزدە قالاي وزگەرىپ كەتكەنىڭىزگە كوزى جەتەدى. "وسى سەزىمىن ماعان ارناي الار ما ەدى، وعان وسىنداي باقىتتى مەن دە سىيلاي الار ەدىم عوي" دەگەن وي كەلەدى. بۇرىن اسىقپاي قادام باسارمىن دەپ قاننەن قاپەرسىز جۇرگەندەر بولسا، تۇرمىس قۇرماي تۇرعاندا، ءبارى كەش بولىپ كەتپەي تۇرعاندا قيمىلداۋ كەرەك ەكەنىن ەندى تۇسىنەدى. وزگەلەر پىكىرى. ءبىر ورتادا ۇنەمى باسقالار بىرگە كورەتىن، ءبىراق وزدەرى مويىندامايتىن جىگىت پەن قىز بولادى. ولار قاشقاقتاعان سايىن، جان- جاقتان بارلىعى قوسۋعا تالپىنىپ، ءازىل- شىنىن ارالاستىرىپ، ءسوز اراسىندا ايتا بەرەدى. سىرتقى تاراپتاعى ادامدار جاي عانا قالجىڭداپ جۇرگەندە ەكى جاس قوسىلىپ كەتسە، ولاردىڭ وزدەرى اڭ- تاڭ قالۋى مۇمكىن. سەبەبى سوزدەرى ادامعا اسەر ەتەتىنىن بايقاماي دا قالادى. «ەكەۋىڭ جاقسى جاراساسىڭدار» ، «قوسىلساڭدار، كەرەمەت جۇپ شىعار ەدى» ، «ول ساعان وسىلاي ەتەر ەدى، مىناداي جاعدايدا بىلاي ەتەر ەدى» ، «الىستان ىزدەپ، ودان ارتىق كىمدى تاباسىڭ» دەگەن سوزدەر ءبىر كۇنى بولماسا، ءبىر كۇنى ادامدى ويلاندىرادى. بىرنەشە ساعاتتىق اڭگىمە.
ادامنىڭ عاشىق بولۋىنا كوزگە تىكە بىرنەشە مينۋت كوز الماي قاراۋ جانە بىرنەشە ساعاتتىق اڭگىمە جەتەدى دەپ جاتادى. ادام وزىنە ۇنامايتىن جانمەن ساعاتتاپ اڭگىمە ايتا المايدى. ال ارالارىندا سۇراق تاۋسىلماي، اڭگىمە بىتپەي جاتسا، سوڭى ماحابباتتىڭ العاشقى ساتىسىنا قادام باسۋعا اپارۋى عاجاپ ەمەس. بىرنەشە جىلدان بەرى ارالاساتىن دوسىڭىز بولسا دا، جاڭا تانىسقان جان بولسا دا، ونى وسى ساعاتتاپ سويلەسۋدە جاڭا قىرىنان تانىپ، وزىڭىزگە ۇنايتىن تۇسى كوپ ەكەنىنە كوز جەتكىزەسىز. سىرتقى سيپاتىنداعى وزگەرىس. مىناداي وقيعانى ەلەستەتىپ كورىڭىز. ءبىر اۋديتوريادا ون بەس قىز، بەس جىگىت بار دەيىك. قىزداردىڭ بارلىعى شەتىنەن سۇلۋ. وسى سۇلۋ قىزداردىڭ اراسىنا جاڭادان ءبىر قىز كەلدى. ونىڭ كوركى قانشالىقتى كوز تويارلىق ەكەنى ماڭىزدى ەمەس، سوندا دا بەسەۋىنىڭ ىشىندەگى ءۇش جىگىت وسى قىزبەن جاقىن ارالاسقىسى كەلەدى. سەبەبى ول كوز ۇيرەنگەن قىزداردىڭ ىشىندەگى جاڭا نىسان، ال جاڭا بەينە ءارقاشان قىزىقتى. سول سەكىلدى جاڭادان قوسىلعان ادامنىڭ ورنىندا ءسىز دە بولا الاسىز. ول ءۇشىن سىرتقى كەلبەتىڭىزگە ازداعان وزگەرىس ەنگىزسەڭىز جەتىپ جاتىر. وزگەرۋدىڭ ءجونى وسى ەكەن دەپ، شاشتى قىزىلعا بوياپ، سىمباتىڭىزعا ۇيلەسپەيتىن كيىم تاڭداماڭىز، ونى دا اقىلعا قونىمدى ەتىپ ىستەڭىز. سوندا بۇرىن ەلەمەي كەلگەندەر نازار اۋدارىپ، مۇمكىن، جالعىزدىقپەن قوشتاسىپ قالارسىز.
Massaget.kz
