تابىستى ادامدار قۇپياسى قانداي؟

 استانا. قازاقپارات - كەيدە بيىكتەردى باعىندىرعان ادامدارعا قاراي وتىرىپ، ولاردىڭ ەشقانداي ۋايىمى جوق سەكىلدى كورىنەدى. ءبىراق.. . جەتىستىككە جەتكەن ادامداردىڭ بارلىعىنىڭ شارۋاسى جوسپارىنا سايكەس جۇرەدى.

 ولار قالاعان ۋاقىتىندا كەز كەلگەن ىسپەن اينالىسا الادى. ولاردىڭ جولىندا تەك كەرەك ءارى دۇرىس ادامدار كەزدەسەدى. ولار وزدەرىنىڭ ماقساتتارىن باياعىدا- اق ايقىنداپ قويعان. ءبىراق، سىزدەردىڭ ويلارىڭىزدا قالىپتاسقان بۇل جەتىستىك كارتاسىنىڭ استىندا كوپ ەڭبەك جاسىرىن جاتىر. تابىستى ادامدار وزدەرى تۋرالى قاجەت دەپ تاپقاندا عانا ايتادى. ولاردىڭ العا باساتىن قادامدارى ساناۋلى تۇرادى. ولار ۋاقىتىنىڭ% 99 ىن جۇمىسقا ارنايدى. ال، قالعان بوس نارسەگە ولاردىڭ ۋاقىتى جوق. ومىردە تەك ۇزدىكسىز جۇمىس جاسايتىن، ءوزىن ايامايتىن ادامدار عانا جەتىستىككە جەتەدى.

تابىستى ادامداردىڭ ەرەجەسى بار ما؟ ەگەر ماقساتىڭىزعا جەتكىڭىز كەلسە، تابىستى ادامدارمەن ارالاسىڭىز. ەشقاشان ءوز ءىسىنىڭ مامانى بولا بىلگەن اداممەن سۇقباتتاسۋدى قالت جىبەرىپ الماڭىز. ولاردان ۇيرەنىڭىز. ولاردىڭ تاجىريبەسىنەن ساباق الىڭىز. ءسىزدىڭ سالاڭىزعا قاجەت تۇسىن ءتۇرتىپ الىڭىز. سوندا عانا تابىستى ادامدار قاراپايىم، ءبىراق ءتيىمدى ەرەجەگە سۇيەنەتىنىن تۇسىنەسىز. الدىمەن ىستەۋگە ءتيىستى جۇمىستاردى اتقارىڭىز. كەيىن ءوزىڭىزدىڭ قالاعانىڭىزدى جاساڭىز. دەمالماستان بۇرىن، ءىزدى العا جەتەلەيتىن ىستەردى اتقارىڭىز. جەتىستىككە جەتۋ ءۇشىن، ءسان مەن سالاتاناتقا بولەنۋ مۇمكىندىگىنە يە بولۋ ءۇشىن ءبىرىنشى ەڭبەك ەتۋ كەرەك. سىزگە وڭاي تيمەيتىنى ءسوزسىز. جەتىستىك جولىندا تالاي قيىندىقتىڭ باسىن شالاسىز. سوندىقتان، تەك ايتقانىنان قايتپايتىندار عانا بيىكتى باعىندىرادى.

Massaget.kz