ا ق ش قازاقستاندىق تيتان كومپانياسىنا شاعىمى جوق ەكەنىن مالىمدەدى

وسكەمەن. قازاقپارات - ا ق ش قازاقستاندىق كومپانيا - «وسكەمەن تيتان- ماگنيي كومبيناتى» اق- قا شاعىمى جوق ەكەنىن مالىمدەدى، دەپ حابارلايدى «قازاقپارات» ح ا ا ءتىلشىسى.

 «ءتورت ادامنان قۇرالعان ا ق ش حالىقارالىق ساۋدا كوميسسياسى قازاقستاندىق كومپانيانىڭ ۇستىنەن تۇسىرىلگەن شاعىمعا قاتىستى قارسى داۋىس بەرىپ، قازاقستاننان يمپورتتالاتىن كەۋەكتى تيتاننان ا ق ش ونەركاسىبى ماتەريالدىق زيان كورىپ جاتقاندىعىن راستايتىن نەگىزدەمەلەردىڭ جوق ەكەندىگى جونىندە شەشىم شىعاردى. وسىلايشا «وسكەمەن تيتان- ماگني كومبيناتى» ا ق- عا قاتىستى تالقىلاۋ توقتاتىلدى» ، - دەيدى كومبيناتتىڭ باسپا ءسوز قىزمەتىندەگىلەر.

ەسكە سالا كەتەيىك، ا ق ش حالىقارالىق ساۋدا كوميسسياسىنىڭ سايتىندا (www.usitc.gov) 24 - تامىز كۇنى «وسكەمەن تيتان- ماگنيي كومبيناتى» ا ق- عا قاتىستى دەمپينگكە قارسى جانە وتەماقى باجدارىن ەنگىزۋ بويىنشا ءىس اشۋعا باستاما كوتەرىلدى دەگەن اقپارات جاريالانعان بولاتىن. كوميسسيانىڭ قاراۋىنا ۇسىنىلعان پەتيتسيانىڭ ءمانى مىنادا: «و ت م ك» ا ق- تىڭ ا ق ش- قا كەۋەكتى تيتان ەكسپورتتاۋى ءدال وسى قىزمەتپەن اينالىساتىن امەريكانىڭ «Titanium Metals Corporation»  كومپانياسىنا ماتەريالدىق زالال كەلتىرىپ جاتىر دەگەن ايىپ تاعىلعان ەدى.