داۋىلدى ەسكەرتۋ: قازاقستاننىڭ باسىم بولىگىندە كۇن كۇرت سۋىتادى

استانا. قازاقپارات - «قازگيدرومەتتىڭ» حابارلاۋىنشا الداعى ءۇش تاۋلىكتە ەلىمىزدىڭ باسىم بولىگىندە جاۋىن-شاشىن بولىپ، جەل كۇشەيەدى.

وسىعان بايلانىستى اۋا تەمپەراتۋراسى دا كۇرت تومەندەمەك.

الداعى ەكى تاۋلىكتە قىزىلوردا وبلىسىندا جاۋىن-شاشىن بولادى. كەي جەرلەردە نوسەر جاۋىپ، سوڭى قارعا جالعاسادى. باتىستان سوققان جەلدىڭ كۇشى 15-20 عا دەيىن جەتىپ، ەكپىنى 23 م/س بولادى. اۋا تەمپەراتۋراسى 5-10 گرادۋسقا كۇرت تومەندەيدى.

18- قازاندا تاۋلىك بويى، 19- قازاندا تۇندە وڭتۇستىك قازاقستان وبلىسىندا جاڭبىر جاۋىپ، سوڭى قارعا اۋىسادى. كەي جەرلەردە قاتتى نوسەر بولۋى ىقتيمال. 18- قازاندا وڭتۇستىك-باتىستان سوققان جەل 15-20، كەي جەرلەردە ەكپىنى 23-28 م/س كۇشەيەدى، اۋا تەمپەراتۋراسى كۇندىز 5-10 گرادۋس، كەي جەرلەردە 15 گرادۋسقا دەيىن تومەندەيدى.

18- قازان كۇندىز جانە 19- قازان تۇندە جامبىل وبلىسىندا نوسەر جاۋادى. وڭتۇستىك-باتىستان سوققان جەل 15-20، ەكپىنى 23-28، وڭتۇستىك-باتىستا 30 م/س اسا كۇشەيەدى، كۇندىز اۋا تەمپەراتۋراسى 10-15 گرادۋس، كەي جەرلەردە 7 گرادۋسقا دەيىن كۇرت وزگەرەدى.