قىرعىزستاندا پرەزيدەنت سايلاۋى كەزىندە جاپپاي تارتىپسىزدىك جاساماقشى بولعان ەكس - دەپۋتات ۇستالدى
بۇل تۋرالى ۆەدومستۆونىڭ رەسمي سايتىندا جازىلعان، - دەپ حابارلايدى Tengrinews.kz ءتىلشىسى.
قۇقىق قورعاۋ ورگاندارىنىڭ قىزمەتكەرلەرى وسىعان دەيىن جارىلعىش زاتتاردى زاڭسىز ساقتاعانى ءۇشىن سوتتى بولعان ەكس-دەپۋتات قازىبەك شايىمبەتوۆتىڭ ق ر پرەزيدەنتى سايلاۋى وتكەن سوڭ الدىن الا كەلىسىممەن ۇمىتكەرلەردىڭ ءبىرى جەڭىلگەن جاعدايدا جاپپاي تارتىپسىزدىككە قاتىسپاقشى بولعانىن انىقتادى.
سونداي-اق، شايىمبەتوۆتىڭ جانە ونىڭ سىبايلاستارىنىڭ بىرنەشە كۇن بويى تارتىپسىزدىك جاساۋ ءۇشىن قارۋ-جاراق ىزدەستىرىپ، ق ر مەملەكەتتىك ورگاندارىنىڭ اكىمشىلىك عيماراتتارىن باسىپ الماقشى بولعانى ايتىلادى.
«2017-جىلدىڭ 14- قازانىندا شايىمبەتوۆ پەن باسقا دا ازاماتتارعا قاتىستى قىرعىز رەسپۋبليكاسىنىڭ قىلمىستىق كودەكسىنىڭ 27-بابى، 233-باپتىڭ 1-بولىگى، 27، 295-باپتارى، 241-باپتىڭ 2-بولىگى بويىنشا قىلمىستىق ءىس قوزعالدى. ۇستالعان قىرعىزستان رەسپۋبليكاسىنىڭ مەملەكەتتىك ۇلتتىق قاۋىپسىزدىك كوميتەتىنە جەتكىزىلدى»، - دەپ حابارلادى كوميتەت وكىلدەرى. قازىرگى ۋاقىتتا تەرگەۋ جۇرگىزىلىپ جاتىر.
