ورالمانداردان پارا العان كوشى-قون پوليتسياسىنىڭ قىزمەتكەرى سوتتالدى

تالدىقورعان. قازاقپارات - تالدىقورعان قالالىق سوتىندا الماتى وبلىستىق ءى ءى د كوشى-قون پوليتسيا باسقاراماسىنىڭ ازاماتتىق جانە كوشى-قون ءبولىمىنىڭ قىزمەتكەرلەرىنىڭ ءىسى قارالدى، دەپ حابارلايدى قازاقپارات ءتىلشىسى.

ءىستى بولعاندار وزبەكستان ازاماتتارىنا قازاقستان رەسپۋبليكاسىنىڭ ازاماتتىعىن الۋعا كومەكتەسكەنى ءۇشىن 380 مىڭ تەڭگە پارا العاندىعى انىقتالدى.

سوت ۇكىمىمەن ا ەسىمدى ازامات ق ر ق ك 366-بابىنىڭ 2-بولىگى (كوپ مولشەردە پارا الۋ) بويىنشا كىنالى بولىپ تابىلدى.

وعان 4 جىلعا باس بوستاندىعىنان ايىرۋ، ءومىر بويى مەملەكەتتىك قىزمەتتەن شەتتەتۋ جانە دۇنيە-مۇلكىن تاركىلەۋ سونداي-اق ارنايى اسكەري شەنىنەن ايىرۋ جازاسى قولدانىلدى.

قىلمىسكەر جازاسىن قىلمىستىق-اتقارۋ جۇيەسىنىڭ قاۋىپسىزدىگى ورتا دەڭگەيدەگى مەكەمەدە وتەيتىن بولادى.

ال ل. ەسىمدى ازاماتشا ق ر ق ك 368-بابىنىڭ 1-بولىگىمەن (پارا الۋدا دەلدالدىق) كىنالى دەپ تانىلدى. وعان مەملەكەت پايداسىنا 2 ميلليون تەڭگە ايىپپۇل تولەۋ جانە مۇلكىن تاركىلەۋ، ءومىر بويى مەملەكەتتىك قىزمەتتە جۇمىستان شەتتەتۋ جازاسى قولدانىلدى. سوت ۇكىمى زاڭدى كۇشىنە ەنگەن جوق.

اۆتور: سامال قابىشەۆا