استانا اكىمدىگى قىمبات اۆتوبۋستاردى ساتىپ الۋعا قاتىستى تۇسىنىك بەردى
باسقارما قالانىڭ كليماتتىق ەرەكشەلىكتەرىنە نەگىزدەلگەن IVECO قالالىق اۆتوبۋستارىنىڭ قۇنى بەكىتىلگەن تەحنيكالىق ەرەكشەلىكتەرگە سايكەس انىقتالعانىن ءتۇسىندىردى.
اتاپ ايتقاندا، ج ك ب حابارلاۋىنشا، تەحنيكالىق ەرەكشەلىكتەرگە سايكەس بولۋ ءۇشىن قىسقى قاپتاما (قوسارلى شىنى، سالقىنداتقىش، كليماتتىق باقىلاۋ، جىلىتىلاتىن ەدەن، سالوندا 5 جىلىتقىشتىڭ بولۋى)، كەشەندى جۇيەنىڭ بولۋى (بەينەباقىلاۋ - 5 كامەرا، جازۋ قۇرىلعىسى، HD ديسك؛ اقپارات تاراتۋ - 2 TFT ەكرانى، 3 LED تاقتاسى، جولاقىسى ءۇشىن ەلەكتروندىق تولەم - 2 ۆاليداتور، جۇرگىزۋشى كونسولى، ديسپەتچەرلەۋ - بورتتىق قۇرىلعى) جانە مۇمكىندىگى شەكتەۋلى ادامدارعا ارنالعان ساتى جۇيەسى قاجەت.
«مەملەكەت باسشىسىنىڭ 2014-جىلدىڭ 25- ساۋىرىندەگى مىناداي تاپسىرماسى بار: «جەكە ينۆەستيتسيالاردىڭ ەسەبىنەن ديزەلدىك جانارمايمەن جۇرەتىن قالالىق مارشرۋتتار ءۇشىن جولاۋشىلار اۆتوبۋستارىن ساتىپ الۋ شارالارىن قابىلداۋ جانە ولاردى قازاقستان رەسپۋبليكاسىنىڭ اۋماعىندا جيناۋدى ۇيىمداستىرۋ قاجەت»، - دەپ حابارلادى باسقارمادا.
وسىعان بايلانىستى، اتالمىش اۆتوبۋستاردى قۇراستىراتىن قوستاناي قالاسىنداعى «سارىارقا اۆتوپروم» ج ش س مەن «Iveco Czech Republic a.s» كونكۋرستىڭ قورىتىندىسى بويىنشا جەڭىمپاز دەپ تانىلعان.
بۇدان بۇرىن الەۋمەتتىك جەلىلەردىڭ كەيبىر قولدانۋشىلارى اۆتوبۋس باعاسىنىڭ تىم قىمبات ەكەنىن ايتىپ، نارازىلىق بىلدىرگەن ەدى. ولاردىڭ ءبىرى ش ق و- دا جاسالىناتىن وسىنداي اۆتوبۋستى ارزان باعامەن ساتىپ الۋدى ۇسىنعان بولاتىن.
