جانسۇگىروۆ اتىنداعى ۋنيۆەرسيتەتتە جاڭا ءپان ەنگىزىلدى

تالدىقورعان. قازاقپارات - جەتىسۋ ولكەسىنىڭ باي تاريحى مەن تابيعاتىن ناسيحاتتاۋ ماقساتىندا تالدىقورعانداعى ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى جاڭا ءپان ازىرلەپ، ونى وقۋ جوسپارىنا ەنگىزدى، دەپ حابارلايدى قازاقپارات ءتىلشىسى.

ۋنيۆەرسيتەتتىڭ يننوۆاتسيالىق جۇمىس جانە ستراتەگيالىق دامۋ جونىندەگى پرورەكتورى مۇحتار تولەگەننىڭ ايتۋىنشا، ارنايى قۇرىلعان توپ ءساۋىر ايىنان باستاپ «رۋحاني جاڭعىرۋ» باعدارلاماسىنىڭ اقپاراتتىق، وقىتۋ-تاربيەلىك، عىلىمي باعىتتارى بويىنشا جۇمىس جاساپ كەلەدى.

«تۋريزم»، «گەوگرافيا»، «ەكونوميكا» جانە «تاريح» ماماندىقتارىنىڭ ستۋدەنتتەرى ءۇشىن «جەتىسۋ تاريحى»، «تاريحي ولكەتانۋ» جانە «تاريحي تۋريزم» سەكىلدى ەلەكتيۆتى پاندەر ەنگىزىلگەن.

سونىمەن قاتار، جەتىسۋ ولكەسىنىڭ كيەلى ورىندارى نەگىزىندە تاريحي نىساندار كاتالوگى ازىرلەنۋدە.

«تاعى ءبىر قولعا الىنعان ءىس تۋرالى ايتار بولساق، دۇرىس جازۋ جانە ايتۋ ءۇشىن لاتىن گرافيكاسىنا كوشۋ بويىنشا ارنايى كۋرستار ۇيىمداستىرۋ جوسپارلانۋدا»، - دەپ اتاپ ءوتتى م. تولەگەن.

اۆتور: سامال قابىشەۆا