ۇجىمدىق قاۋىپسىزدىك شارتى ۇيىمى بىتىمگەرلىك كۇشىنىڭ وقۋ-جاتتىعۋى قازاقستاندا وتەدى
ق ر قورعانىس مينيسترلىگى حابارلاعانداي، 16-20 -قازان كۇندەرى قازاقستان اۋماعىندا («ىلە» پوليگونى) «مىزعىماس باۋىرلاستىق - 2017» ۇجىمدىق قاۋىپسىزدىك شارتى ۇيىمىنىڭ (ۇ ق ش ۇ) بىتىمگەرلىك كۇشتەرىمەن بىرگە شيەلەنىستەن كەيىنگى جاعدايدى رەتتەۋ بويىنشا جاتتىعۋى وتەدى.
وقۋ- جاتتىعۋعا ارمەنيا، بەلارۋس، قازاقستان، قىرعىزستان، رەسەي جانە تاجىكستاننىڭ بىتىمگەرلىك كونتينگەنتتەرى، ۇجىمدىق قاۋىپسىزدىك شارتى ۇيىمى ۇجىمدىق بىتىمگەرلىك كۇشتەرىنىڭ (ۇبك) قۇرامىنا كىرەتىن پوليتسيا بولىمشەلەرى قاتىسادى.
قازىرگى ۋاقىتتا ق ر اۋماعىندا ارمەنيا، بەلارۋس، رەسەي، تاجىكستاننان كەلگەن بىتىمگەرلىك كونتينگەنتتەرى بار. قىرعىزستان كونتينگەنتى بۇگىن كەلەدى، ساعات 13.00-دە اسكەري قىزمەتشىلەر التى اسكەري تەحنيكامەن قىرعىزستان- قازاقستان شەكاراسىن كەسىپ ءوتتى جانە وقۋ- جاتتىعۋ ورنىنا كەلە جاتىر.
