شولدەگەن جىلاننىڭ باسى گازدى سۋسىن قالبىرىنا كەپتەلىپ قالدى - كەسكىن

استانا. قازاقپارات - ءۇندىستاندا تۇسىرىلگەن ۆيدەوروليك كەلەڭسىز جاعدايعا ءتۇسىپ قالعان كوبراعا ادام كومەگى قاجەت بولعانىن كورسەتەدى.

كارناتاكا شتاتىنىڭ تۇرعىندارى ورمان جانىندا باسى قالبىرعا كەپتەلىپ قالعان جىلاندى تاۋىپ العان. شاماسى، سۋساعان كوبرا گازدى سۋسىننان قالعان تامشىلارمەن ءشولىن باسقىسى كەلگەن سەكىلدى.

الايدا، جىلان تار تەسىككە كىرگەن باسىن قايتا كەرى شىعارا الماي قالعان. سونىسىنا قاراماستان، ول جورعالاۋعا تىرىسىپ باققان.

وقيعا كۋاگەرلەرىنىڭ ەشقايسىسى ونى قۇتقارۋعا باتىلدارى بارماي، ارنايى ماماندى شاقىرعان.

اككى مامان گازدى سۋسىننىڭ قالبىرىن اقىرىنداپ كەسىپ، كوبرانى «تۇتقىننان» بوساتىپ العان.