قىرعىزستاندا پرەزيدەنت سايلاۋى قالاي ءوتىپ جاتىر؟

استانا. قازاقپارات - ساعات 10.00-دەگى اقپارات بويىنشا، بارلىعى 226616 ادام داۋىس بەردى، دەپ حابارلايدى قىرعىزستان ورتالىق سايلاۋ كوميسسياسى (و س ك) باسپا ءسوز قىزمەتى.

قىرعىزستان وسك سايلاۋشىلاردىڭ داۋىس بەرۋگە قاتىسۋى تۋرالى العاشقى مالىمەتتەردى ۇسىندى. قىرعىز رەسپۋبليكاسى پرەزيدەنتىنىڭ سايلاۋىندا، ساعات 10-داعى مالىمەت بويىنشا، 226616 ادام داۋىس بەردى.

بۇل تىزىمدەگى سايلاۋشىلاردىڭ % 7,49 ى. اسىرەسە، وش قالاسىنىڭ سايلاۋشىلارى بەلسەندىلىك تانىتۋدا، مۇندا سايلاۋشىلاردىڭ %10,35 ى داۋىس بەرگەن. ىستىقكول وبلىسىندا - %8,08، نارىن وبلىسىندا - %8,08، تالاس وبلىسىندا - %8,44. بىشكەك قالاسىندا - %7,02، وش وبلىسىندا - %7,40، دجالال- ابادتا - %7,06، باتكەن وبلىسىندا - %7,73، شۋ وبلىسىندا - %6,91. ق ر س ءى م مالىمەتى بويىنشا، شەت ەلدەردە سايلاۋشىلاردىڭ %1,28 ى داۋىس بەرگەن.

قىرعىزستان و س ك اقپاراتىنشا، سايلاۋشىلاردىڭ جالپى سانى - 3 ميلليون 025 مىڭ 786 ادام.