يران ترامپتىڭ مالىمدەمەسىنەن كەيىن يادرولىق مامىلەدەن شىعۋى مۇمكىن
ءمينستردىڭ مالىمدەمەسىن جەكسەنبى كۇنى Bloomberg اگەنتتىگى جاريالادى.
«ەگەر يران قارسى تاراپتىڭ سانكسيالاردى الىپ تاستاۋعا قاتىستى قابىلداعان ارەكەتتەرى يسلام رەسپۋبليكاسى ءۇشىن جەتكىلىكسىز ەكەنىن سەزسە، ەلىمىز بىرنەشە ارەكەتتەردى قولدانۋعا ءماجبۇر بولادى، ولاردىڭ بىرەۋى - يادرولىق كەلىسىمنەن شىعۋ»، - دەپ مالىمدەدى زاريف.
زاريفتىڭ ايتۋىنشا، ەگەر سانكسيالار يران ءۇشىن اسا ماڭىزدى سالالارعا، سونىڭ ىشىندە مۇناي ساۋدالاۋعا جانە اۋە كەمەلەرىن ساتىپ الۋعا سالىنسا، وندا تەگەران «يادرولىق مامىلەگە قاتىسۋى بويىنشا شەشىم قابىلداۋعا قۇقىلى».
جۇما كۇنى ترامپ يرانعا قاتىستى ۆاشينگتوننىڭ جاڭا، اسا قاتاڭ ستراتەگياسىن باياندادى. وعان سايكەس، قۇراما شتاتتار يراننىڭ «تۇراقسىزداندىراتىن ىقپالىنا» قارسى جانە حالىقارالىق قاۋىمداستىقتى يسلام ريەۆوليۋتسيالىق قورعاۋ كورپۋسىنا (ي ر ق ك، يران قارۋلى كۇشتەرىنىڭ ەليتالىق بولىمدەرى) قىسىم جاساۋ ءۇشىن بىرىگۋگە شاقىرادى.
سونىمەن قاتار، ا ق ش پرەزيدەنتى تەگەراننىڭ يادرولىق باعدارلاما تۋرالى كەلىسىمنىڭ ورىندالۋىن راستاۋدان باس تارتىپ، وعان وزگەرىستەر ەنگىزۋگە ۋادە بەردى.
