قايرات نۇرتاستىڭ قايناتاسى العاش رەت قىزىنىڭ ءومىرى جايلى سۇحبات بەردى

استانا. قازاقپارات - كۇنى كەشە جۇلدىزداي جارق ەتكەن جۇلدىز كوپشىلىكتى سۇلۋلىعىمەن عانا ەمەس، ونەرىمەن دە ءتانتى ەتكەن-دى.

وتاندىق ارنالاردىڭ بىرىنە سۇحبات بەرگەن جۇلدىزدىڭ اكەسى سادريددين ابدىكەرىم ۇلى قىزىنىڭ قارشادايىنان ونەرگە ەتەنە جاقىن وسكەنىن تىلگە تيەك ەتتى. ايتۋىنا قاراعاندا، قايرات الىپ قاشىپ كەتپەگەندە، جۇلدىز تانىمال اكتريسا بولار ەدى.

بۇل تۋرالى قايرات نۇرتاستىڭ قايىن اتاسى 31-ارناعا بەرگەن سۇحباتىندا ايتىپ بەردى.

«الماتىدا ءبىر كينو تۇسىرىلەتىن بولىپ، 11-12 جاستاعى قىز ىزدەگەن ەكەن. فيلم تۇسىرۋشىلەر مەكتەپتەن مەنىڭ قىزىمدى تاۋىپ العان. وسى قىزدىڭ ءتۇر-الپەتى كەلەدى. شاشىن قيماعان، كورىكتى قىز ەكەن. بىزگە بەرىڭىز دەدى. سودان جۇلدىز ەكەۋىمىز بىرگە قاتىناعانبىز. كوللەدج بىتىرگەننەن كەيىن اۋەزوۆ تەاترىندا، ودان سوڭ تيۋز-دا جۇمىس ىستەدى. ودان كەيىن كۇيەۋ بالا الىپ قاشىپ كەتتى»، - دەيدى سادريددين ابدىكەرىم ۇلى.