11:00, 15 - قازان 2017 | GMT +5
قىرعىزستاندا پرەزيدەنت سايلاۋى باستالدى
بىشكەك. قازاقپارات - بۇگىن تاڭەرتەڭ ساعات 8-دە قىرعىزستاندا پرەزيدەنت سايلاۋى باستالدى، سايلاۋ ۋچاسكەلەرى جۇمىسقا كىرىستى، دەپ حابارلايدى قازاقپارات ءتىلشىسى قىرعىز رەسپۋبليكاسىنىڭ ورتالىق سايلاۋ كوميسسسياسىنا سىلتەمە جاساپ.
ەلدىڭ مەملەكەتتىك تىركەۋ قىزمەتىنىڭ مالىمەتىنشە، قىرعىزستان پرەزيدەنتى سايلاۋىنا 3 ميلليون 25 مىڭ 768 داۋىس بەرۋشى قاتىسا الادى.
ايتا كەتەرلىگى، بيۋللەتەندەردە 13 ۇمىتكەر كورسەتىلگەن، الايدا باقىت توروبايەۆ پەن كامچىبەك تاشيەۆ سايلاۋعا قاتىسۋعا باس تارتقاندىعىنا بايلانىستى ولاردىڭ دەرەكتەرى وشىرىلگەن جانە ولارعا داۋىس بەرىلمەيدى.
بۇل ەلدەگى مەملەكەت باسشىسىن تاڭداۋ ءۇشىن وتكىزىلگەن جەتىنشى سايلاۋ.
سايلاۋ بولىمشەلەرى بۇگىن ساعات 20:00-گە دەيىن اشىق بولادى.
فوتو: kyrgyzembassy.my
