ۇيالى تەلەفونعا تاۋەلدىلىكپەن كۇرەسۋ ءۇشىن

 استانا. قازاقپارات - ءبارىمىز - ۇيالى تەلەفونعا تاۋەلدىمىز. تەلەفونسىز ءىسىمىز ۋاقىتىندا بىتپەيدى. ءبىراق، سول تاۋەلدىلىك ءبىزدىڭ ۋاقىتىمىزدى الادى.

بۇل ادەتتەن قۇتىلۋ ءۇشىن نە ىستەۋگە بولادى؟ 1. كىتاپ وقىعاندا نە تەلەديدار قاراعاندا ۇيالى تەلەفونىڭىزدى جاسىرىپ قويىڭىز: جۇمىستا، وقۋ ورنىندا ۇيالى تەلەفون كەرەك بولارى ءسوزسىز. دەگەنمەن، ۇيدە جۇرگەن كەزدە دەمالاتىنىڭىزدى ۇمىتپاڭىز. سول سەبەپتى، ۇيالى تەلەفوندى ۇيگە كەلگەن بويدا سۋىرمالارعا سالىپ قويىڭىز. وعان ءۇي تەلەفونى سەكىلدى قاراڭىز.

 2. ەسكەرتۋلەردى ءوشىرىپ تاستاڭىز: اسىرەسە، بۇل جاۋاپ بەرۋدى تالاپ ەتپەيتىن ەسكەرتپەلەرمەن تىكەلەي بايلانىستى. حابارلامالار مەن قوڭىراۋلاردى قالدىرىڭىز دا، الەۋمەتتىك جەلىلەردەن كەلەتىن ەسكەرتپەلەردى الىپ تاستاڭىز. جاڭا قوسىمشالاردى جۇكتەگەن سوڭ دا، ەسكەرتپەلەردى قويۋ تۋرالى كەلىسىمگە «ءيا» جاۋابىن بەرمەڭىز.

 3. ۋاقىتقا شەكتەۋ قويىڭىز: تەلەفوندى قولىڭىزعا العان سوڭ، تايمەردى ىسكە قوسىڭىز. ول ءسىز قويعان بەلگىلى ءبىر ۋاقىتتان سوڭ كەسى كەزەكتە تۇرعان ىستەن حابار بەرەدى. ەسەسىنە، ءسىز ۇيالى تەلەفونىڭىزدا ۋاقىتپەن قولدانىپ ۇيرەنەسىز. تايمەر قوسىلعان سوڭ، ۇيالى تەلەفونىڭىزدى ءوشىرىپ تاستاۋعا تىرىسىڭىز.

 4. كەزەكتە تۇرعان كەزدە، تەلەفوندى قولىڭىزعا الماۋعا تىرىسىڭىز: شەگى جوق كەزەكتە تۇرعان كەزدە بۇدان وزگە اينالىساتىن ءىس جوق سەكىلدى كورىنەدى. ەگەر ءسىز شىعارماشىلىققا جاقىنداي ءتۇسۋدى قالاساڭىز، بۇل ادەتپەن دە قوش ايتىسۋعا تۋرا كەلەدى.

 5.توسەكتە ۇيالى تەلەفون قولدانباڭىز: توسەك -  ۇيىقتايتىن ورنىڭىز. ول جەردە ۇيالى تەلەفوندى قولدانعانىڭىز ءسىزدىڭ تاۋەلدى ەكەنىڭىزدى بىلدىرەدى. سول سەبەپتەن، ۇيقىعا جاتپاس بۇرىن، كەيىن تۇرعاننان سوڭ عانا ۇيالى تەلەفونعا ۋاقىتىڭىزدى ءبولىڭىز.

Massaget.kz