ەلوردادا قوعامدىق كولىك جولاقىسى قىمباتتاي ما

 استانا. قازاقپارات - استانا قالاسى جولاۋشىلار كولىگى باسقارماسى ەلوردانىڭ قوعامدىق كولىكتەرىندەگى جولاقى قۇنى جونىندە قازاقپارات ءتىلشىسىنىڭ ساۋالدارىنا جاۋاپ بەردى.

 باسقارما وكىلدەرىنىڭ حابارلاۋىنشا، جاقىن ارادا ەلوردالىق قوعامدىق كولىكتەردەگى جولاقى قۇنىن قىمباتتاتۋ جوسپاردا جوق. «زاڭناماعا سايكەس، اتالعان ماسەلەنى قاراۋ قۇزىرەتى قالا ءماسليحاتىنا تيەسىلى. ازىرگە جولاۋشىلار كولىگى باسقارماسى قوعامدىق كولىكتە ءجۇرۋ تاريفىن كوتەرۋ ماسەلەسىن قاراستىرىپ وتىرعان جوق» ، - دەپ مالىمدەدى باسقارما.

 بۇعان دەيىن قالالىق جولاۋشىلار كولىگى باسقارماسى ۆاليداتورداردىڭ جەتىسپەۋشىلىگى ماسەلەسىن شەشۋگە ۋادە بەرگەن ەدى. اتاپ ايتقاندا، ەسكى اۆتوبۋستاردى جاڭاسىنا اۋىستىرۋ جوسپارلانعان. ودان بولەك، استانالىق كوندۋكتورلارعا وزىمەن بىرگە الىپ جۇرەتىن جەكە ۆاليداتورلار بەرىلەدى.

 

 اۆتور: ايجان سەرىكجان قىزى