13:07, 14 - قازان 2017 | GMT +5
قازاقستان عالىمدارى قارتايۋعا قارسى جاڭاشا ءادىس ويلاپ تاپتى
استانا. قازاقپارات - وتاندىق كوسمەتولوگيا مەن مەديتسينا سالاسى تىڭ تەحنولوگيالارمەن تولىقتى. ۇلتتىق بيوتەحنولوگيا ورتالىعىنىڭ ماماندارى قارتايۋعا قارسى د ى ڭ جاسۋشالارىن قولدانۋدىڭ جاڭاشا ءادىسىن ويلاپ تاپقان دەپ حابارلايدى 24.kz.
بۇعان قوسا اۋرۋدى الدىن الا بايقايتىن دا ءتاسىل بار. جاڭا عىلىمي جوبالار بيزنەس وكىلدەرىنە تانىستىرىلىپ، قولدانىسقا ەنگىزۋ جولدارى تالقىلاندى.
قازاقستاندىق تەحنولوگيا جەرلەستەرىمىزدىڭ الدەقايدا ارزان ءارى ساپالى قىزمەت الۋىنا سەپتىگىن تيگىزەدى دەيدى ماماندار.
"وسىنداي كۇردەلى تەحنولوگيالار تەك شەتەلدە بار دەگەنگە ۇيرەنىپ قالعانبىز. سالدارىنان جەرلەستەرىمىز شەكارا اسىپ، قىرۋار قارجىسىن شاشىپ كەلەدى. ەندى بۇگىن ول جۇمىستار وتاندىق عالىمداردىڭ دا قولىنان كەلەتىنىنە كوز جەتتى. بولاشاقتا وسى جوبالاردى كوممەرتسيالاندىرۋ ارقىلى عىلىم مەن بيزنەستىڭ اراسىن جاقىنداتقىمىز كەلەدى"، - دەيدى ۇلتتىق بيوتەحنولوگيا ورتالىعىنىڭ باس ديرەكتور ەرلان رامانقۇلوۆ.
