جولى بولعىش ايەل نەمەسە لوتورەيادان ميلليونەر اتانعان ماتەماتيك

 استانا. قازاقپارات - جولى بولعىش جاندار جانىمىزدا دا كەزدەسەدى. ساتتىلىكتىڭ سەرىك بولعانىن ءبارىمىز دە قالايمىز. الايدا امەريكالىق دجوان گينتەر سەكىلدى جولى بولعان جاندى جولىقتىرماعان شىعارمىز.

 دجوان گينتەر الەمدەگى ەڭ جولى بولعىش جان سانالادى. ساتتىلىگىنىڭ ارقاسىندا ونىڭ ەسىمى ءتۇرلى رەكوردتار كىتابىنا دا ەنگەن. امەريكالىقتىڭ لوتورەيا ويىندارىندا ءتورت رەت جۇلدىزى جانعان. ءتورت رەت بولعاندا دا از كولەمدەگى قارجى ەمەس، ميلليونداپ ۇتقان. امەريكالىقتىڭ لوتورەيادان تاپقان تابىسى 20,4 ميلليون دوللاردى قۇرايدى. العاش رەت 1993 -جىلى 5,4 ميلليون دوللار تابىسقا كەنەلگەن. اراعا 13 -جىل سالا تاعى 2 ميلليون دوللار ۇتقان. 2008 -جىلى -  3 ميلليون، 2010 -جىلى 10 ميلليون دوللار ۇتقاندا جۇرت ونى الاياق دەپ تە ويلاعان. ال شىن مانىندە ول الاياق ەمەس.. .

 امەريكالىق باسىلىمداردىڭ ءبىر ءتىلشىسى دجوان گينتەردىڭ جەڭىستى جولىن ارنايى زەرتتەگەن. ءتىپتى الاياق رەتىندە تانىتۋعا تىرىسقانمەن، ەشقانداي دالەل كەلتىرە الماعان. ال جولى بولعىش ايەلدىڭ ءوزى جاس كەزىندە كاليفورنيا ۋنيۆەرسيتەتىندە ماتەماتيك بولعان ەكەن. ماتەماتيكا عىلىمدارىنىڭ دوكتورى اتاعىن دا يەلەنگەن. كوبىنە ستاتيستيكامەن اينالىسۋعا قۇمارتقان. ستاتيستيكالىق كورسەتكىشتەرىنە سۇيەنە وتىرىپ، جەڭىسكە جەتۋگە تىرىسقانىن دا جاسىرماعان. مۇنى ول زاڭعا قايشى ەمەس ەكەنىن تىلشىگە بەرگەن سۇحباتىندا دا ايتا كەتكەن. ءبىر قىزىعى، سوڭعى ۇتقان جەڭىستى ءۇش بيلەتىن دە ءوزى وسكەن ولكەسىنەن (بيشوپ) ساتىپ العان.

ايتا كەتەيىك، ەلىمىزدە بىرەگەي «لوتەرەيالار جانە لوتەرەيا قىزمەتى تۋرالى» زاڭ بار. وسى زاڭ اياسىندا، ق ر ۇكىمەتىنىڭ 2017 -جىلعى 10- اقپانداعى №48 قاۋلىسىمەن « ءساتتى جۇلدىز» ا ق ءبىرىڭعاي لوتەرەيا وپەراتورى بولىپ ايقىندالدى. 2016 -جىل سوڭىندا قابىلدانعان زاڭ بويىنشا، جاڭا وپەراتور تۇسكەن پايدانىڭ 10 پايىزىن ەلىمىزدەگى سپورتتىڭ دامۋىنا بولەتىن بولادى. دەسە دە « ءساتتى جۇلدىز» ا ق باسشىلىعى 10 پايىز ەمەس، ءوز ەرىكتەرىمەن 15 پايىز كولەمىندە قارجى ءبولۋدى قولداپ وتىر. "ء ساتتى جۇلدىز" ا ق قىركۇيەك ايىنان باستاپ ەلىمىزدە «باقىتتى 7» جانە «التىن» دەپ اتالاتىن لوتەرەيالاردى ويناتۋ باستالدى. لوتەرەيالاردى جالپى تيراجى - 2 ميلليون 100 مىڭ بيلەت. ولاردىڭ 450 مىڭنان استامى ۇتىستى بيلەتتەر. ياعني ءاربىر 4-5 - بيلەتتىڭ جۇلدەسى بار. ەندى ءار قازاقستاندىق ءبىر ساتتە 2 ميلليون تەڭگەگە قالتاسىن قالىڭداتا الادى. ال لوتەرەيانىڭ جالپى سىيلىق قورى 468 ميلليون تەڭگەنى قۇرايدى. امەريكالىق ماتەماتيك سەكىلدى ءسىزدىڭ دە ميلليونەر اتانۋىڭىزعا مۇمكىندىك بار. «باقىتتى 7» بيلەتتەرى 300 تەڭگە تۇرادى. ال «التىن» لوتەرەياسىنىڭ بيلەتتەرى - 500 تەڭگە. ولاردى حالىققا قىزمەت كورسەتۋ ورتالىقتارىنان، «قازپوشتا» بولىمشەلەرىنەن، «مەگا» ساۋدا ويىن- ساۋىق ورتالىقتار جەلىسىنەن جانە «Magnum Cash Carry» فيليالدارىنان ساتىپ الۋعا بولادى.

 

Massaget.kz