شىمكەنتتە قاراقشى كاسپي بانكتى توناپ كەتتى
بەلگىسىز ادام بانككە باسا كوكتەپ كىرىپ، كاسساسىن توناپ كەتكەن. بۇل تۋرالى بانكتىڭ Instagram الەۋمەتتىك جەلىسىندەگى پاراقشاسىندا جاريا ەتىلدى، دەپ حابارلايدى قازاقپارات ءتىلشىسى. كەلەڭسىز جاعداي كەشە 13 - قازان كۇنى كەشكى ساعات 20:00 دەر شاماسىندا بولعان. بانكتىڭ باسپا ءسوز قىزمەتىنەن حابارلانعانداي، قاراقشىلىق شابۋىل كەزىندە بانك قىزمەتكەرلەرى مەن كليەنتتەر زارداپ شەكپەگەن.
«بەلگىسىز بىرەۋ بانككە كەلىپ، توناپ كەتكەن. وسى كەزدە بانك قىزمەتكەرلەرى دەرەۋ دابىل تەتىگىن باسىپ، ءتارتىپ ساقشىلارىنا حابار بەردى. قازىر وقيعا ورنىندا پوليتسەيلەر جۇمىس ىستەپ جاتىر. بانكتىڭ قاۋىپسىزدىك قىزمەتى قىلمىسكەرلەردى انىقتاۋ ءۇشىن بارلىق اقپاراتتى بەرىپ، ءتارتىپ ساقشىلارىمەن بەلسەندى جۇمىس ىستەۋدە. ناقتى قانشا قارجى تونالعانى انىقتالۋدا» ، - دەلىنگەن Kaspi ءbankі باسپا ءسوز قىزمەتىنىڭ تاراتقان مالىمدەمەسىندە.
سونداي- اق، بانك وكىلدەرى قىلمىسكەر تۋرالى بىلەتىندەر بولسا بانكتىڭ قاۋىپسىزدىك قىزمەتىنە:77473882934 + نومىرىنە حابارلاسۋلارىن سۇرادى. قۇپيالىلىق بولاتىنىنا كەپىل بەرىپ وتىر. تەرگەۋ شارالارى جۇرگىزىلىپ، ۇرلانعان اقشانىڭ سومماسى ناقتىلانۋدا.
اۆتور: اينۇر اقبايەۆا
