العاشقى ءوزىن- ءوزى باسقاراتىن اۋا تاكسيى
اتالعان جاڭا كولىك ءتۇرى الداعى 10 جىل ىشىندە قالا تۇرعىندارى مەن قوناقتارىنا قىزمەت كورسەتەتىن بولادى. كومپانيا اشىق سىناقتى ارنايى ۆيدەوعا ءتۇسىرىپ العان. ول جازبادان الىپ دروننىڭ وزدىگىنەن 200 مەتر بيىكتىككە كوتەرىلىپ، دۋبايدىڭ كوپتەگەن جاعاجايلارىنىڭ ءبىرىن اينالىپ ءوتىپ، كەيىن ءساتتى ورالعانىن كورۋگە بولادى. سىناقتىڭ جالپى ۇزاقتىعى 5 مينۋتتى قۇرادى. ول كەزدە كابينا ىشىندە ادام بولماعان.
دروننىڭ AAT اتاۋى Autonomous Air Taxi ءسوز تىركەسىنىڭ قىسقارعان نۇسقاسى. ول «اۆتونومدى اۋا تاكسيى» دەگەن ماعىنا بەرەدى. ەلەكتروندى قوزعالتقىش ارقىلى جۇمىس ىستەيتىن كولىك وزگەلەرگە قاراعاندا الدەقايدا شاعىن ءارى از دىبىس شىعارادى. كابيناعا ەكى ادام سيادى جانە ولاردىڭ قاۋىپسىزدىگى ءۇشىن ارنايى پاراشيۋتتەر مەن 9 قوسىمشا باتارەيا بار. درون اۋادا 18 پروپەللەر كۇشىمەن ۇشادى، ونىڭ كرۋيزدىك جىلدامدىعى- 50 ك م/ساعات، ال ماكسيمالدى جىلدامدىعى - 100 كم/ساعات. دۋباي اكىمدىگى اۋا تاكسيىن جاقىن ارادا قالا جۇيەسىنە قوسپاق. جوسپار بويىنشا 2030 -جىلعا قاراي AAT دۋباي قالاسى قوعامدىق كولىكتەرىنىڭ تورتتەن ءبىرىن قۇرايتىن بولادى. مۇنداي تاكسيدى سمارفوندارعا ارنالعان قوسىمشالار ارقىلى شاقىرۋعا بولادى. الداعى ۋاقىتتا بۇلار ءۇشىن ارنايى مارشرۋت سىزىلىپ، جول ەرەجەلەرى بەكىتىلەدى
Massaget.kz
