قازاقستاندىق شۆەتسيادا تۋعان بالاسىن سوت ارقىلى تىركەدى

استانا. قازاقپارات - الماتى وبلىسىنىڭ تۇرعىنى شۆەتسيادا بوسانعان، الايدا ول تۋۋ تۋرالى كۋالىكتى الۋ ءۇشىن سوتقا جۇگىنۋگە ءماجبۇر بولدى، دەپ حابارلايدى «قازاقپارات» ح ا ا وبلىستىق سوتتىڭ سايتىنا سىلتەمە جاساپ.

«الماتى وبلىسى قاراساي اۋداندىق سوتى زاڭنامالىق ماڭىزى بار فاكتىنى بەلگىلەۋ تۋرالى ازاماتتىق ءىستى قارادى. شاعىمدانۋشى شۆەتسيادا بوسانعان، وعان نورچەپپيڭ قالاسى ورتالىق پەريناتالدىق ورتالىعى بەرگەن مەديتسينالىق انىقتاماسى دالەل بولا الادى»، - دەلىنگەن وبلىستىق سوتتىڭ حابارلاماسىندا.

الايدا، قازاقستاندا تۋۋ تۋرالى كۋالىك الۋ مۇمكىن بولماعان. كامەلەت جاسقا تولماعان بالانىڭ مۇددەسىن قورعاۋ ماقساتىندا سوت ونىڭ تۋىلعانىن تىركەۋ فاكتىسىن دالەلدەدى.