يسپاندىق ساۋلەتشى استاناداعى بۋلۆاردى كۇمبەزدىڭ استىنا الۋ تۇجىرىمداماسىن پىسىقتاپ جاتىر
«بۇگىندە تالقىلانىپ جاتقان «نۇرلى جول» بۋلۆارىنىڭ تاقىرىبىن الەمگە تانىمال ساۋلەتشى كالاتراۆا قاراستىرىپ جاتىر. وسى ورايدا ونىڭ ءتيىستى ۇسىنىسىن كۇتىپ وتىرمىز. اتاپ ايتقاندا، بۇگىندە الەم ەلدەرى ونىڭ تۋىندىلارىنا قول جەتكىزۋگە تىرىسىپ ءجۇر. قازىرگى كەزدە ول تۇجىرىمدامانى پىسىقتاۋ ۇستىندە.
«نۇرلى جول» بۋلۆارىنىڭ ىرگەتاسى بولاشاقتا ەكىنشى- ءۇشىنشى قاباتتى سالۋ مۇمكىندىگىن ەسكەرە وتىرىپ قالانعان. بۇل تۇرعىدا ىرگەلەس ورنالاسقان نىسانداردى اينەك دالىزبەن جالعاۋ ەسكەرىلىپ وتىر»، - استانا قالاسىنىڭ ساۋلەت جانە قالا قۇرىلىسى باسقارماسى باسشىسى باقتىباي تايتاليەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
سونىمەن قاتار ول جاقىن ارادا استانادا قازىرگى زامانعى ستيلدەگى ۆەلوسيپەد- جاياۋ جۇرگىنشىلەر كوپىرىنىڭ، قابانباي باتىر داڭعىلى بويىنشا جەكپە- جەك سارايىنىڭ قۇرىلىسى جوسپارلانعانىن اتاپ ءوتتى.
بەلگىلى بولعانداي، بيىل قالادا 2 ميلليون 200 مىڭ شارشى مەتر كولەمىندە تۇرعىن ءۇي سالىنادى دەپ كۇتىلۋدە.
اۆتور: رۋسلان عابباسوۆ
