ۇلتتىق قاۋپسىزدىك كوميتەتى قازاقستان- قىرعىز شەكاراسىنداعى جوسپارلى وپەراتسيانىڭ ناتيجەسىن حابارلادى
دەپ حابارلايدى «قازاقپارات» ح ا ا ءتىلشىسى ق ر ۇ ق ك باسپا ءسوز قىزمەتىنە سىلتەمە جاساپ.
«ۇلتتىق قاۋىپسىزدىك كوميتەتىنىڭ باسپا ءسوز قىزمەتى قازاقستان- قىرعىز شەكاراسىن جابۋ تۋرالى اقپاراتتىڭ تارالۋىنا بايلانىستى شەكارا قىزمەتى جوسپارلى وپەراتسياسىن وتكىزگەن كەزدە وسى ۋچاسكەدە شەكارادان وتەتىن ادامداردىڭ سانى ازايماعانىن حابارلايدى. 10-11 - قازاندا قىرعىزستانعا 18680 ادام بارسا، قازاقستانعا 14867 ادام كەلگەن»، - دەپ حابارلادى ۆەدومستۆودان.
جۇرگىزىلگەن شارالار ناتيجەسىندە وتكىزۋ بەكەتتەرىندە 112 قۇقىق بۇزۋشىلىق انىقتالعان (ونىڭ ىشىندە 55 جاعداي قىرعىزستان ازاماتتارىنا قاتىستى)، وق- ءدارى الىپ وتۋگە جول بەرىلمەدى. وتكىزۋ بەكەتىنەن تىس 65 قىرعىزستان ازاماتى ۇستالدى. ولار شەكارا رەجيمىن جانە 14- ءى كوشى- قون زاڭناماسىن بۇزعان، دەپ ناقتىلادى ق ر ۇ ق ك.
بۇدان بولەك، كولىكتەردى تەكسەرۋ بارىسىندا انىقتالعان ەكونوميكالىق كونتراباندا بەلگىلەرى بار ءبىرقاتار فاكتىلەر تەكسەرىلىپ جاتىر. بارلىعى 8 مىڭنان استام شەتەلدىك تەكسەرىلسە، سونىڭ 3 مىڭعا جۋىعى - قىرعىزستان ازاماتتارى.
«ەرەجە بۇزعان 386 قىرعىز ازاماتى اكىمشىلىك جاۋاپقا تارتىلدى، 242 ادام - قازاقستاننان قۋىلدى، 69 ادامنىڭ ەلدە بولۋ مەرزىمى قىسقارتىلدى، 21 ادام - اكىمشىلىك قاماۋعا الىندى. بۇعان قوسا، قىرعىزستان بيلىگىنىڭ سايلاۋ كۇنى بولۋى مۇمكىن جاپپاي تارتىپسىزدىكتەر تۋرالى مالىمدەمەسىن ەسكەرە وتىرىپ، ۇ ق ك شەكارا قىزمەتى قىلمىستىق ەلەمەنتتەردىڭ قازاقستانعا وتۋىنە جول بەرمەۋ جونىندە قوسىمشا شارالار قابىلداپ جاتىر»، - دەپ ءتۇسىندىردى ۆەدومستۆونىڭ باسپا ءسوز قىزمەتى.
