جاھانداعى زاماناۋي قازاقستاندىق مادەنيەت
بۇل جوبا نەنى مەڭزەيدى؟ بۇل جوبا ارقىلى نەنى ۇتۋعا بولادى؟ ەڭ ءبىرىنشى، بىرىككەن ۇلتتار ۇيىمىنداعى ەڭ بەدەلدى التى ءتىلدى مەڭگەرۋ. بۇل، ارينە، مىندەتتەلگەن ءۇردىس بولماۋى دا مۇمكىن، ءبىراق اتالعان التى ءتىلدى مەڭگەرۋ ارقىلى ۇلتتىق جاھاندىق باسەكەدەگى قابىلەتىن كورسەتە الامىز. ول تىلدەر: اعىلشىن، ورىس، قىتاي، يسپان، اراب جانە فرانسۋز ءتىلى. ەكىنشىدەن، جاھاندىق باسەكەگە قابىلەتتى بولۋ ءۇشىن ءوز مادەنيەتىمىز قالىپتاسۋ كەرەك. ءبىزدىڭ قالىپتاسقان مادەنيەتىمىز ەمەس، قازىر ءجۇرىپ جاتقان، ىرگەسى قالانىپ جاتقان مادەنيەتتى ۇسىنا ءبىلۋى كەرەك. ءۇشىنشى جاعىنان، مادەنيەتتى كىتاپ نە قاعاز تۇرىندە عانا تانىستىرۋ ەمەس، ءتۇرلى مۋلتيمەديالىق تۇرعىسىنان دا كورسەتە ءبىلۋ كەرەك. سەبەبى قازىر زامان بارىنشا وقۋدان گورى كوزبەن كورۋگە ىڭعايلى سمارت زاتتارعا نازار اۋدارا باستادى. سوندىقتان مۇنىڭ اتقاراتىن جۇمىسى ۇلكەن بولماق. ال بۇل جوبانىڭ ىسكە اسۋى ءۇشىن تەك مەملەكەت باسىندا وتىرعان بيلىك وكىلدەرى عانا ەمەس بارلىق قوعامداعى ازاماتتار مەن جازۋشىلار، اقىندار، شىعارماشىلىق ادامدار جانە مينيسترلىكتەر جاپپاي جۇمىس جاساۋى كەرەك.
ەلباسى ءوز سوزىندە 2017 -جىلدى قورتىندىلاۋ كەزىندە وسى ۋاقىتقا دەيىنگى جاسالعان مادەني بايلانىستار مەن مادەني قۇندىلىقتارىمىزعا قانداي ەسەپ بەرەتىنىمىزدى قاراستىرىپ الۋىمىز كەرەك دەيدى. ياعني قانداي شارالار ۇيىمداستىرىلدى نەمەسە ماقتانا الامىز، مادەنيەتتىڭ ءوسۋى قانداي، رۋحاني جاڭعىرۋدىڭ ساتىسى قانداي دەگەن سۇراقتارمەن جۇمىس جاسالىپ بولعان سوڭ، وسى جوبا نەگىزىندە 5-7 جىل ىشىندە تۇراقتى كىرىسۋ كەرەك. تىنىمسىز ەڭبەك پەن كۇشتىڭ ارقاسىندا مىڭجىلدىقتار قاتپارىندا جاتقان تاريح پەن مادەنيەتىمىزدى جاھان تانيتىن بولادى. ال ولاردىڭ تانۋى ءۇشىن جوعارىدا ايتىلىپ وتكەن جۇمىستار دۇرىس جاسالۋى كەرەك. اسىرەسە ب ا ق- تىڭ كۇشى باسىم بولماق. مەديا سالاسى، IT سالاسى دا بۇل قاتاردان تابىلا بىلگەنى ابزال. ەلىمىزدىڭ ماقتانار مادەنيەتى كوپ. ونى ءوزىمىز عانا ءبىلىپ قويعانىمىز جەتكىلىكسىز. سەبەبى ەلدى ەل تانۋ ءۇشىن ونىڭ مادەنيەتىن تانۋ كەرەك. سوندىقتان الداعى جىلدارى جاسالاتىن جۇمىستاردىڭ جاۋاپكەرشىلىگى زور بولادى.
Massaget.kz
