قازاقستان- قىتاي شەكاراسىندا وتكىزۋ پۋنكتتەرىنىڭ ينفراقۇرىلىمى جاڭارتىلۋدا - فوتو

استانا. قازاقپارات - قازاقستان- قىتاي شەكاراسىندا وتكىزۋ پۋنكتتەرىنىڭ ينفراقۇرىلىمىن جاڭارتۋ ءىسى جۇرگىزىلىپ جاتىر، دەپ حابارلايدى ق ر قارجى مينيسترلىگى مەملەكەتتىك كىرىستەر كوميتەتىنىڭ باسپا ءسوز قىزمەتى.

كولىك- لوگيستيكا ينفراقۇرىلىمىنىڭ دامۋى ارقاسىندا قازاقستان - حالىقارالىق ساۋدا ءدالىزىنىڭ باستى ويىنشىسىنا اينالۋدا. ونى ارى قاراي جەتىلدىرۋ ماقساتىندا قازاقستان رەسپۋبليكاسى مەن قىتاي حالىق رەسپۋبليكاسى شەكاراسىندا كەدەن بەكەتتەرىنىڭ فيزيكالىق ينفراقۇرىلىمىن مەملەكەتتىك- جەكەشەلىك ارىپتەستىك قاعيداتىندا جاڭارتۋ ءىسى جالعاسىپ كەلەدى.

10 -قازان كۇنى قازاقستان- قىتاي شەكاراسىندا «قالجات» زاماناۋي كەدەن- لوگيستيكالىق ورتالىعىنىڭ رەسمي اشىلۋى ءوتتى. بۇل ورتالىق تاۋار اينالىمى كولەمىنىڭ ۇلعايۋىنا جانە رەسپۋبليكانىڭ كولىكتىك- ترانزيتتىك الەۋەتىنىڭ ارتۋىنا سەپتىگىن تيگىزەدى.

سونداي- اق، كەدەندە اتاپ وتكەندەي، شەكارادا كولىك- لوگيستيكا ينفراقۇرىلىمىنىڭ سالىنۋى جۇكتەردىڭ ەكسپورتتىق- يمپورتتىق تاسىمالدانۋىنىڭ ارتۋىنا جاعداي جاساپ، اشىقتىق دەڭگەيىن كوتەرۋگە، شەكارا ماڭىنداعى ساۋدا مەن كاسىپكەرلىكتى دامىتۋعا مۇمكىندىك بەرەدى. وسىعان قوسا، «كەدەن ورتالىقتارىنىڭ جاڭارتىلۋى بۇكىل كەدەندىك وداقتىڭ (ك و) ترانزيتتىك الەۋەتىن كەدەن ماڭىندا ينفراقۇرىلىم سالۋ ارقىلى جەتىلدىرۋدى تالاپ ەتەدى، بۇل ارقىلى ينفراقۇرىلىمدى پايدالانا وتىرىپ جۇكتىڭ وڭتۇستىك- شىعىس ازيادان ك و تەرريتورياسىنا، سول سياقتى باتىس ەۋروپاعا تاسىمالدانۋىن ارزانداتۋعا ءارى تەزدەتۋگە بولادى»، - دەدى مەملەكەتتىك كىرىستەر كوميتەتىنىڭ ءتوراعاسى ارداق تەڭگەبايەۆ.

«ورتالىق جۇمىسى ءبىر تەرەزە نەگىزىندە قۇرىلعان، بارلىق قىزمەتتەر جەدەل تۇردە كورسەتىلەدى، كاسىپكەرلەر مەن سىرتقى ەكونوميكالىق قىزمەتتىڭ قاتىسۋشىلارى ءۇشىن جاعدايلار جاسالعان. جاڭا اقپاراتتىق جۇيە كاسىپكەرلەر ۋاقىتىن ايتارلىقتاي ۇنەمدەيتىن بولادى جانە دە ولار جۇكتەردىڭ سۇرىپتالۋىنا، ساقتالۋىنا ءارى تاڭبالانۋىنا قاتىستى قىزمەتتەردىڭ كەڭ اۋقىمىنا قول جەتكىزىپ قانا قويماي، قىزمەت الۋ كەزىندە جايلى جۇمىس ىستەۋ ءۇشىن عالامتورى بار بيزنەس- رۋمدە جانە باسقا دا جاعدايلار جاسالعان دەمالىس بولمەسىندە بولا تۇرۋعا مۇمكىندىك الادى»، - دەپ اتاپ ءوتتى "EurotransitLogistic" ج ش س ديرەكتورى ەرلان ديحانبايەۆ.

كولىك- لوگيستيكا ورتالىقتارىنىڭ (ك ل و) بۇتىندەي ءبىر كەشەنى قۇرىلىسىنىڭ اياقتالۋى شەكاراداعى لوگيستيكالىق ينفراقۇرىلىمنىڭ تيىمدىلىگىن تولىق شەشۋگە جول اشادى. تاۋار جانە كولىك اعىنىن وڭدەۋگە، سونداي- اق جۇكتەردى كەدەندىك وڭدەۋدەن وتكىزۋگە قاتىستى قىزمەتتەردىڭ كەڭ اياسىن قامتاماسىز ەتىپ وتىرعان «قالجات»، «باحتى»، «دوستىق»، «حورگوس»، «التىنكول» جانە «مايقاپشاعاي» پۋنكتتەرى قازاقستاندى حالىقارالىق عالامدىق كولىك- لوگيستيكا جۇيەسىمەن بىرىكتىرۋگە مۇمكىندىك بەرەدى.

بولاشاقتا قازاقستاندا شەكارا ماڭىنداعى كولىك- لوگيستيكا ينفراقۇرىلىمىن دامىتۋ ءىسى ەۋرازيانىڭ ەڭ ءىرى لوگيستيكا جۇيەسىن قۇرۋعا الىپ كەلەدى.

جوبا ق ر قارجى مينيسترلىگىنىڭ مەملەكەتتىك كىرىستەر كوميتەتى مەن "EurotransitLogistic" ج ش س مەملەكەتتىك- جەكەشەلىك ارىپتەستىگى نەگىزىندە جۇزەگە اسۋدا.