قىتاي قازاقستاندىق بيزنەسمەندەر ءۇشىن ەلەكتروندى كوممەرتسيا كۋرستارىن ۇيىمداستىرادى
كەزدەسۋدە تاراپتار قازاقستان رەسپۋبليكاسى پرەمەر-ءمينيسترى باقىتجان ساعىنتايەۆتىڭ 2016 -جىلدىڭ شىلدەسىندە قىتايدىڭ شانشي پروۆينسياسىنا جاساعان ساپارىندا قول قويىلعان كەلىسىمدەردى جۇزەگە اسىرۋ ماسەلەلەرىن تالقىلادى.
قازاقستاننىڭ «نۇرلى جول» جاڭا ەكونوميكالىق ساياساتى جانە قىتاي جاعى باستاماشىل بولعان «ءبىر بەلدەۋ، ءبىر جول» جوباسى اياسىندا تاراپتار قازاقستان شاعىن جانە ورتا بيزنەس وكىلدەرى ءۇشىن ەلەكتروندى كوممەرتسيا كۋرستارىن ۇيىمداستىرۋ تۋرالى كەلىسىمگە كەلدى.
جوبا ق ح ر كوممەرتسيا مينيسترلىگىنىڭ، شانشي پروۆينسياسى حالىق ۇكىمەتىنىڭ، شيان حالىقارالىق قۇرعاق پورتىنىڭ، سونداي-اق وڭىردەگى الدىڭعى قاتارلى جوعارى وقۋ ورىندارىنىڭ قولداۋىمەن جۇزەگە اسىرىلادى.
قازاقستاندىق كاسىپكەرلەرگە شەكاراارالىق ەلەكتروندىق كوممەرتسيا، ەلەكتروندىق ساۋدا، ەلەكتروندى كوممەرتسيا سالاسىنداعى زاڭدىلىقتى ءتۇسىندىرۋ، قارجى قىزمەتتەرى، ەكى ەلدىڭ شاعىن جانە ورتا بيزنەس وكىلدەرىنىڭ اراسىندا بايلانىستار ورناتۋ، پورتتىڭ ونەركاسىپ كاسىپورىندارىنىڭ قىزمەتىمەن تانىسۋ سياقتى ماسەلەلەر بويىنشا وقۋ پلاتفورماسى ۇسىنىلادى.
