شىعىس قازاقستاندا مۇحتار اۋەزوۆكە ەسكەرتكىش ورناتىلدى
1967 -جىلى قالامگەردىڭ 70 جىلدىعى تۇسىندا باقىرشىق كەنتىنە جازۋشىنىڭ ەسىمى بەرىلگەن. اۋەزوۆتىڭ ءوزى دە وسى اۋداندا بىرنەشە رەت بولىپ، قاراپايىم ەڭبەك ادامدارى تۋرالى وچەركتەر جازعان بولاتىن. مىستان جاسالعان ءمۇسىننىڭ بيىكتىگى تۇعىرىمەن العاندا 6 مەتر. جاس ءمۇسىنشى نۇربول قاليەۆ بۇل تۋىندىعا بىرنەشە اي ۋاقىتىن جۇمساپتى.
ايتا كەتەيىك، جوباعا دەمەۋشىلىك جاساعان ادام - اۋەزوۆ كەنتىنىڭ تۋماسى، قازىر رەسەيدىڭ تۇمەن وبلىسىنداعى كاسىپكەر ورازحان قاليەۆ.
«جارمانىڭ ءوزى زەرە اپامىزدىڭ جەرى. كەلە جاتقاندا اباي رومانىنىڭ كورىنىستەرى كوز الدىمدا. قازاقتىڭ ۇلى دالاسى. مۇحتار اۋەزوۆتىڭ جەر جۇزىندە، كوپتەگەن جەردە مۇسىندەرى بار. ال ەندى مىنانىڭ ورنى ەرەكشە. سوندىقتان ارينە مەن ءۇشىن ۇلكەن قۋانىش. وعان كۋا بولىپ تۇرعان وسىنداعى تۇرعىندار. وسى ءمۇسىن ارقىلى وسىنداعى تۇرعىندار، اۋەز كەنتتىڭ تۇرعىندارىن ءوزىمنىڭ باۋىرىم رەتىندە سەزىنەمىن»، - دەدى تاريحشى، مادەنيەتتانۋشى مۇرات اۋەزوۆ.
