الماتىدا اۋدان اكىمىنىڭ ورىنباسارى سوتتالدى

الماتى. قازاقپارات - الماتىدا بوستاندىق اۋدانى اكىمىنە قاتىستى سوت ۇكىمى شىقتى، دەپ حابارلايدى قازاقپارات ءتىلشىسى.

  شەنەۋنىك بيۋدجەت قارجىسىنان 121,2 ميلليون تەڭگە ۇرلادى دەپ ايىپتالىپ وتىر. بۇل قارجى اۋداننىڭ المالى، شىعىس، تاۋ بوكتەرى كوشەلەرىندە سەل قالدىقتارىن تازارتۋعا جۇمسالعان.

قالالىق پروكۋراتۋرا حابارلاعانداي، مەملەكەتتىك ساتىپ الۋلار بويىنشا كەلىسىم شارتتارى ءىس جۇزىندە ورىندالماعان. جەتكىزۋشى كومپانيامەن جالعان قۇجات ارقىلى ەسەپتەسكەن. «تەكسەرۋ بارىسىندا الماتى پروكۋراتۋراسى بوستاندىق اۋدانى اكىمدىگىنىڭ لاۋازىمدى تۇلعالارى مەن DANIYA Construction جانە «ساۋلەت ساپا قۇرىلىس» ج ش س 121,1 ملن تەڭگەنى جىمقىرعانى انىقتالدى»، - دەدى پروكۋراتۋرانىڭ باسپا ءسوز قىزمەتىنەن.

قۇزىرلى ورگان شەنەۋنىكتەرگە ق ر ق ك 361-بابىمەن، مەردىگەر ۇيىمداردىڭ لاۋازىمدى تۇلعالارىنا ق ر  ق ك 189-بابىمەن قىلمىستىق ءىس قوزعالدى. سۋديا لاۋازىمدى تۇلعالاردى 2-6 جىلعا باس بوستاندىعىنان ايىرۋ تۋرالى شەشىم قابىلدادى.

اۆتور: گۇلميرا عوسمانالي