ەرلان قارين: قازاقستاندىق تەلەجوبانى شەتەلدىڭ ءبىرقاتار تەلەارنالارى كورسەتۋگە نيەت ءبىلدىردى

استانا. قازاقپارات - قازاقستاندىق تەلەجوباعا العاش رەت حالىقارالىق دەڭگەيدە بۇقارالىق اقپارات قۇرالدارى نازار اۋدارا باستادى.

 اتاپ ايتقاندا، «Qazaqstan» ۇلتتىق ارناسىندا جۇزەگە اسقان قازاقستاندىق بىرەگەي جوبا - «Silk Way Star» تۋرالى قازىرگى كۇنى تۇركيانىڭ، ازەربايجاننىڭ، وزبەكستاننىڭ، قىرعىزستان مەن باشقۇرتستاننىڭ جانە باسقا دا ەلدەردىڭ بەدەلدى بۇقارالىق اقپارات قۇرالدارى جازا باستادى.

 بۇل تۋرالى «قازاقستان» ر ت ر ك» ا ق باسقارما ءتوراعاسى ەرلان قارين فەيسبۋكتەگى پاراقشاسىندا ءمالىم ەتتى.

«تاعى ءبىر ماڭىزدى ماسەلە، بىرنەشە ەلدىڭ تەلەارنالارى prime-time ەفيرىندە ءبىزدىڭ جوبامىزدى كورسەتۋگە نيەت ءبىلدىرىپ وتىر. ولاردىڭ ىشىندە: Dream Turk (تۇركيا)، Zor tv (وزبەكستان)، Tugan TEL (باشقۇرتستان)، CBC (ازەربايجان)، ك ت ر ك (قىرعىزستان)، ت ۆ سافينا ت ۆ س (تاجىكستان)، ت ن ۆ (تاتارستان) ارنالارى بار»، - دەپ جازادى ەرلان قارين.

ەسكە سالا كەتەيىك،  «قازاقستان» ۇلتتىق ارناسىندا 30 - قىركۇيەكتەن باستاپ «جىبەك جولى جۇلدىزدارى» جوباسى كورسەتىلىپ كەلەدى. ايتا كەتەرلىگى، وتاندىق تەلەۆيدەنيەدە مۇنداي دەڭگەيدەگى حالىقارالىق مۋزىكالىق تەلەجوبا بۇرىن- سوڭدى بولماعان. جوبانىڭ نەگىزگى ماقساتى - وسى ارقىلى قازاق مۋزىكاسىن كەڭ تۇرعىدا ناسيحاتتاپ، شەت ەلدەردە تانىتۋ. «جىبەك جولى جۇلدىزى» جوباسىنا 9 ەلدىڭ، اتاپ ايتقاندا، قازاقستان، قىرعىزستان، تاجىكستان، وزبەكستان، تۇركيا، ازەربايجان، گرۋزيا، رەسەي فەدەراتسياسىنىڭ: تاتارستان، باشقۇرستان سياقتى ەلدەرىنىڭ جارقىن جۇلدىزدارى قاتىسىپ، ولار ءبىر ساحنادا باق سىناسۋدا.

 اۆتور: قانات مامەتقازى ۇلى