قىرعىزستاندا پرەزيدەنتتىككە ەكى باستى ۇمىتكەر قىزۋ پىكىرتالاس وتكىزدى
ەلدىڭ قازىرگى پرەمەر- ءمينيسترى سوورونباي جيەنبەكوۆ بابانوۆتى «بالاپان» دەپ اتاپ، وعان «سەن» دەپ سويلەي باستادى.
بابانوۆ ءوز كەزەگىندە وعان ەشقانداي «بالاپان» ەمەس ەكەنىن ايتىپ، ونىڭ جەمقورلىقپەن كۇرەسكە بايلانىستى ەشقانداي قادام ىستەمەي جاتقانىن بەتىنە باستى. وسى سوزدەن كەيىن اشۋى ويانىپ كەتكەن جيەنبەكوۆ بىلاي دەپ جاۋاپ قاتتى:
«سەن ءويتىپ ماعان جەمقورلىق تۋرالى سويلەمە. ەگەر مەن پرەزيدەنت بولسام، جەمقورلىقپەن كۇرەستى سەنەن باستايمىن، كور دە تۇر. مەن ەلدى كىم توناپ جاتقانىن، ءبارىن بىلەمىن. سەن دە سولاردىڭ قاتارىنداسىڭ. مەن بۇنى ايتقىم كەلمەگەن، ءوزىڭ باستادىڭ»، - دەدى بيلىك پارتياسىنىڭ وكىلى.
«ماعان «سەن» ەمەس، «ءسىز» دەپ سويلەڭىز. ودان بولەك، مەن ءسىزدى جەمقور دەپ ايىپتاعان جوقپىن، ءسوزىمدى نەگە دۇرىستاپ تىڭدامايسىز؟ ال مەنى جەمقور دەپ ايىپتاۋدىڭ الدىندا، ءسىزدىڭ شەنەۋنىك رەتىندە يەلەنىپ وتىرعان ۇلكەن بايلىعىڭىزدى قايدان جيىپ- تەرگەنىڭىز تۋرالى ءبىرىنشى بولىپ ەسەپ بەرەسىز. ال مەن بيزنەستە كوپ جىل بولعان اداممىن»، - دەپ ءسوزىڭ قورىتىندىلادى بابانوۆ.
kaz.caravan.kz
