ۇيالى تەلەفونمەن ۇزدىكسىز ويناعان قىز جانارىنان ايىرىلدى

  استانا. قازاقپارات - قىتاي ەلىنىڭ تۇرعىنى ۇيالى تەلەفونىنداعى ويىندارعا بەرىلىپ كەتكەنى سونشالىق، ونىڭ بۇل قۇمارلىعى ءبىر كوزىنەن ايىرىلۋعا اكەلىپ سوققان.

21 جاستاعى بويجەتكەنگە وفتالمولوگ دارىگەر «كوزدىڭ ىشكى تور قابىعىنداعى ارتەريا وككليۋزياسى دەگەن انىقتاما قويىپ وتىر. ادەتتە، بۇل دەرت جاسى كەلگەن جانداردا بايقالاتىنىن ەسكەرسەك، ورىمدەي قىزدىڭ جانارىنان ايىرىلۋى سمارتفون ويىندارىنىڭ «ارقاسى» ەكەنى ءسوزسىز.

«ادەتتە، مەنىڭ دەمالىس كۇندەرىم بىلاي وتەتىن: تاڭعى التىدا ويانىپ، تاماقتانىپ بولعاسىن سمارتفونىمداعى ويىندارعا كىرىسەمىن. سول وتىرعاننان ساعات تورتتەرگە دەيىن تاپجىلمايتىنمىن. سوسىن بارىپ ونى- مۇنى جەپ، ويىنعا قايتا كىرىسەتىنمىن. كەيدە، ءتىپتى، ويىنعا بەرىلگەنىم سونشالىق، تاماقتانۋدى ۇمىتىپ كەتەتىنمىن» ، - دەيدى جانارىنان ايىرىلعان قىتاي قىزى.

Muslim.kz