شىعىس قازاقستان وبلىسىنىڭ زەينەتكەرلەرى مەن ارداگەرلەرى شيپاجايدا تەگىن ەم الادى
وبلىس اكىمى دانيال احمەتوۆ مەكەمەگە ات باسىن بۇرىپ، قىزمەتتىڭ ساپاسىمەن تانىستى، دەپ حابارلايدى وڭىرلىك اكىمدىكتىڭ باسپا ءسوز قىزمەتى.
شيپاجاي ءبىر مەزەتتە 200 ادامدى قابىلداۋعا قاۋقارلى. كەشەندى ەم- دومدى ۇ و س ارداگەرلەرى، تىل ەڭبەككەرلەرى مەن چەرنوبىل ا ە س اپات سالدارىن جويۋشىلار، زەينەتكەرلەر مەن كوپ بالالى انالار الادى. ارداگەرلەرمەن كەزدەسكەن وبلىس اكىمى ولارعا بەلسەندى ومىرلىك ۇستانىمدارى ءۇشىن العىسىن ءبىلدىردى.
«قازاقستاننىڭ، ءبىزدىڭ ءوڭىردىڭ دامۋى ءۇشىن ەتكەن ەڭبەكتەرىڭىز ەرەن، ءبىز ونى جوعارى باعالايمىز. شىن جۇرەكتەن ارداگەرلەرىمىز بەن زەينەتكەرلەرىمىز ەمدەۋ- الدىن الۋ، ساۋىقتىرۋعا باعىتتالعان تاماشا ورىنداردا دەنساۋلىقتارىن جاقسارتىپ، دەمالعاندارىن قالايمىن. وسىنداي ىسكە وزگە دە مەكەمەلەردى تارتا وتىرىپ، قولداعى مۇمكىندىكتى قولدانا، قىزمەت كورسەتۋشىلەر قاتارىن ارتتىراتىن بولامىز»، - دەدى ايماق باسشىسى دانيال احمەتوۆ.
جىل سايىن شيپاجايدا 6 مىڭعا جۋىق زەينەتكەر دەنساۋلىقتارىن ساۋىقتىرادى. دەمالۋشىلار ءۇشىن بارلىق جاعداي جاسالعان. كەشەندى ەمدەۋ ساناتىنا بالشىقپەن، سۋمەن ەمدەۋ، ماسساجدىڭ ءار ءتۇرى، فيزيولوگيالىق، تاماق بۋلاۋ سياقتى ەم تۇرلەرى كىرەدى.
