ەركەنىڭ ءانى لوس- اندجەلەستە قالاي حيتكە اينالدى

 استانا. قازاقپارات - ءانشى ەركە ەسماحاننىڭ «قايدا؟ » ءانىنىڭ مۇحيت اسىپ، امەريكالىقتاردىڭ كوڭىلىن كوتەرگەن ۆيدەوسى الەۋمەتتىك جەلىدە تارالىپ كەتتى، دەپ حابارلايدى «قازاقپارات» ح ا ا ءتىلشىسى.

 ۆيدەونى ەرقانات ابەني (Erqanat Əbeni) ەسىمدى فەيسبۋك قولدانۋشىسى ءوز پاراقشاسىنا جۇكتەگەن. بەينەجازبادان شامامەن مەيرامحانادا قىزمەت ەتەتىن امەريكالىقتاردىڭ «قايدا؟ » انىنە شالقىپ بيلەپ جۇرگەنىن كورۋگە بولادى. فەيسبۋكتە كورسەتىلگەنىندەي، بەينەجازبا ا ق ش- تىڭ لوس- اندجەلەس قالاسىندا تۇسىرىلگەن. كوڭىلدى امەريكالىقتاردىڭ ءبىرى ءتىپتى «قارا جورعا» بيىنە باسقان.

 ايتا كەتەرلىگى، ەركە ەسماحاننىڭ «قايدا؟ » ءانى YouTube جەلىسىندە رەكوردتاردىڭ بىرىنەن كەيىن ءبىرىن باعىندىرىپ كەلەدى. اتاپ ايتقاندا، وسى جىلدىڭ 9 - ماۋسىمىندا جەلىگە جۇكتەلگەن كليپتى 2 جارىم ايدىڭ ىشىندە 20 ميلليوننان استام ادام تاماشالاعان بولاتىن. ال قازىر اتالعان جەلىدەگى كليپتىڭ كورىلىمى 30 ميلليوننان اسىپ كەتكەن.

 

اۆتور: ايان بەكەن ۇلى